राष्ट्रिय सहमतिको सरकार बनाउन छल फल सुरु

१७ बैशाख २०६९, आईतवार १८:१९ मा प्रकाशित

काठमाडौं, १७ वैशाख । नयाँ संविधानको विवादित बिषयमा निरन्तर छल फल र संवादमा जुटेका प्रमुख दलहरुले आइतबारबाट राष्ट्रिय सहमतिको सरकारका बारेमा समेत छलफल चलाएका छन् । संविधानसभा भवन नयाँ बानेश्वरमा जारी मधेसी मोर्चा सहितको माओवादी, कांग्रेस र एमाले र शीर्ष नेताहरुको बैठकमा पूर्व सहमति अनुसार राष्ट्रिय सहमतिको सरकार बनाउने विषयमा छलफल भएको एमाले नेता भीम रावलले जानकारी दिए । उनले भने, ‘दलहरुका वीच अघिल्लो पटक भएको सहमति अनुसार राष्ट्रिय सहमतिको सरकार बनाउने विषय आजदेखि विषय प्रवेश पाएको छ ।’बैठकमा चार दलले कहिले संयुक्त, एकल, दुई पक्षीय लगायतका परामर्श गर्दै आएका छन् । अहिले भने कांग्रेसका प्रभावशाली नेताहरु आन्तरिक छलफलमा जुटेका छन् ।
बैठकमा कांग्रेसले नयाँ संविधान जारी गर्न राष्ट्रिय सहमतिको सरकार बनाउन प्रस्ताव राखेको तराई मधेस लोकतान्त्रिक पार्टीका अध्यक्ष महन्थ ठाकुरले बताए । उनले संविधानका बिवादित बिषयका साथै राष्ट्रिय सहमतिको सरकार बनाउने बारेमा पनि छलफल भएको बताए ।
राज्य पुनर्संरचनाका विषयमा छलफल गर्दै आएका दलहरुले नयाँ संविधान जारी गर्ने क्रममा राष्ट्रिय सहमतिको सरकार आवश्यक रहेको उल्लेख गरेका हुन् ।
दलहरुका वीच राज्य पुनर्संरचना, शासकीय स्वरुप, नागरिकता लगायतका विषयमा बिवाद रहेको छ ।

प्रतिक्रिया
सम्बन्धित खवर

काठमाडौं । काठमाडौं महानगरपालिकाले आजदेखि फेरि खोप कार्यक्रम सुरु गर्ने भएको छ । केही दिनअघि खोप अभाव भएको भन्दै स्थगित

नेपाल पत्रकार महासङ्घ बेलायत शाखामा नयाँ नेतृत्व चयन भएको छ । आइतबार सम्पन्न निर्वाचनमा पत्रकार ध्रुवराज अर्याल अध्यक्ष पदमा निर्वाचित

काठमाडौं । निर्माण आयोजनाको म्याद छ महिनामात्र थप हुने प्रावधान वैज्ञानिक नरहेको भन्दै नेपाल निर्माण व्यवसायी महासङ्घले गत वैशाख १६

धनुषा । आर्थिक वर्ष २०७८/७९ को नीति तथा कार्यक्रम सर्वसम्मत पारित भएको छ । बिहीबार प्रदेशसभामा प्रस्तुत सरकारको नीति तथा