जापानमा साँस्कृतिक कार्यक्रम सम्पन्न

१६ बैशाख २०६९, शनिबार १९:३४ मा प्रकाशित

सन्देश पोखरेल, नागोया । काठमाडौँमा अवस्थित होराई फाउन्डेसन र ओशिन जापानिज भाषा विद्यालयको आयोजनामा जापानको नागोया शहरमा एक साँस्कृतिक कार्यक्रम भव्यता पुर्वक सम्पन्न भएको छ । नागोया साँझ २०६९ नाम दिइएको उक्त कार्यक्रममा नेपालबाट आएका कलाकारहरुको टोलीले नेपालका विभिन्न जातजाति र क्षेत्रका नृत्यहरु प्रस्तुत गरेर भरपुर मनोरञ्जन प्रदान गरेका थिए ।
जापानमा नेपाली कला, सँस्कृतिको चिनारी गराउने उदेश्यले आयोजना गरिएको उक्त कार्यक्रममा नेपालको तामाङ सेलो नृत्य, थारु नृत्य, भोजपुरी नृत्य, नेपाली झ्याउरे नृत्य लगायतको विभिन्न क्षेत्र र जातजातिका नृत्यहरु प्रस्तुत गरिएको थियो ।
कार्यक्रम आयोजक संस्थाको रुपमा रहेको होराई फाउन्डेसनले नेपालमा गर्दै आएको गतिविधिको बारेमा भिडियो मार्फत जानकारी गरिएको उक्त कार्यक्रममा सुदिप पन्त र वविता पोखरेलको दोहोरी गायनले पनि थप मनोरन्जन प्रदान गरेको थियो ।
विभिन्न संघ संस्थाको प्रतिनिधित्व गर्दै गैर आवासीय नेपाली संघ अन्तर्राष्ट्रिय समन्वय समितिका सदस्य डा. सुदिप अधिकारी, एनआरएन जापानका सचिव सरोज कंडेल, नेपाली विद्यार्थी समाज जापान(नेसाज) का उपाध्यक्ष (होन्सु) सन्देश पोखरेल, एन आर एन जापान तोकाई होकुरिकुका कार्यबाहक अध्यक्ष बिष्णु प्रसाद घिमिरे, नेसाजका निवर्तमान अध्यक्ष बिमल अधिकारी सहित उल्लेख्य नेपालीहरुको उपस्थिति रहेको थियो ।

प्रतिक्रिया
सम्बन्धित खवर

लण्डन । बेलायतमा लामो समयदेखि बस्दै आउनुभएकी कवयित्री प्रतिभा केसी यस वर्ष अनेसास सुप्रमा इप्रमा पुरस्कारबाट सम्मानित हुनुभएको छ ।

लन्डन । नेपाल पत्रकार महासङ्घ (एफएनजे) युके शाखाले एक समारोहबीच पत्रकार श्रीभक्त खनाललाई यस वर्षको ‘एफएनजे युके वर्ष पत्रकारिता पुरस्कार’

काठमाडौँ । नेपाली काँग्रेस केन्द्रीय तरुण विभागको डेनमार्क शाखा प्रमुखमा काभ्रेका प्रदिप तिवारी मनोनयन हुनु भएको छ । आठ वर्षदेखि

अमेरिकाको टेक्सास राज्यस्थित युलेस सिटी काउन्सिल मेम्बरमा नेपाली मूलका टीका पौडेल विजयी हुनुभएको छ । स्थानीय समयानुसार शनिबार राति सम्पन्न