जनजाति महासंघद्धारा ३ दिने नेपाल बन्दको घोषणा

१२ बैशाख २०६९, मंगलवार २३:४३ मा प्रकाशित

काठमाडौं, १२ बैशाख । आदिवासी जनजातिको मागलाई बेवास्ता गर्दै संविधान बनाउने प्रयास भएको भन्दै नेपाल आदिवासी जनजाति महासंघले तीन दिने नेपाल बन्दको घोषणा गरेको छ ।

महासंघका अध्यक्ष राजकुमार लेखीले मंगलबार जारी गरेको बिज्ञप्ति अनुसार यही वैशाख १५ देखि २० गतेसम्म आफुहरुले उठाएको मागका सम्बन्धमा पर्चा अपिल वितरण गर्ने, वैशाख २० देखि २९ गतेसम्म देशव्यापी विरोधसभा गरी यसका बिरुद्धमा लागेका नेताहरुको सम्बन्धमा भण्डाफोर अभियान चलाउने, वैशाख ३० गते मसाल जुलुस प्रदर्शन गर्ने, जेठ १, २ र ३ गते आमहडताल गर्ने, जेठ ५,६ र ७ गते आदिवासी जनजाति राष्ट्रिय राजनीतिक सम्मेलनगर्ने जेठ र जेठ ८देखि १४ गतेसम्म संविधानसभा भवन अगाडी निरन्तर धर्ना र घेराउ गर्ने उल्लेख गरिएको छ ।

प्रमुख दलहरुबीच सात प्रदेश सहितको संघीय संरचनामा सहमति भएको समाचार सार्वजनिक भएदेखि महासंघले दवावमूलक कार्यक्रमहरु सुरु गरेको हो । यसअघि उनीहरुले दलहरुको बैठकस्थल हात्तीबन रिसोर्टमा धर्ना दिने, प्रमुख दलका शीर्ष नेताहरुलाई ज्ञापनपत्र बुझाउने, मसाल जुलुस र मंगलबार तराई बन्दको आह्वान गरेको थियो ।

प्रतिक्रिया
सम्बन्धित खवर

काठमाडौँ । जनता समाजवादी पार्टी (जसपा)को आधिकारिकता विवादमा निर्वाचन आयोगको फैसलाविरुद्ध महन्थ ठाकुरले दायर गरेको रिट निवेदनमा सर्वोच्च अदालतले अन्तरिम

रुपन्देही । लुम्बिनी प्रदेश सभा सदस्य विमलाकुमारी खत्री वलीले आफू नेकपा माओवादी केन्द्रमै रहेको बताउनुभएको छ । एक हप्तादेखि पार्टीसँग

काठमाडौँ । नेकपा एमालेका वरिष्ठ नेता एवं पूर्वप्रधानमन्त्री झलनाथ खनालको मिर्गौला प्रत्यारोपण सफल भएको छ । नयाँदिल्लीस्थित एपोलो अस्पतालमा नेता

काठमाडौं । सरकारको न्यूनतम साझा कार्यक्रमलाई टुङ्गो लगाउन आज बुधबार तेस्रोपटक बसेको सत्तारुढ गठबन्धन कार्यदलको बैठकले राष्ट्रिय योजना आयोगको समेत