बेल्जियमको निर्वाचनमा नेपाली मूलका खड्कबहादुर केसी उम्मेदबार

२४ फाल्गुन २०७०, शनिबार ००:१३ मा प्रकाशित

बेल्जियम, २४  फागुन । आगामी मे २५ मा हुने बेल्जियमको संसदीय निर्वाचनमा नेपाली मूलका बेल्जिक नागरिक खड्कबहादुर केसी उम्मेदवार भएका छन् ।

बेल्जिक नागरिक खड्कबहादुर केसी सोसलिष्ट पार्टी ग्रुनको तर्फबाट आसन्न संसदीय निर्वाचनमा चुनावी प्रतिस्पर्धामा उत्रिएका हुन् । बेल्जियमको १ सय ५० सदस्यीय संसद सदस्यको निर्वाचनमा केसी प्लान्डर्स क्षेत्रको फ्लेमिस ब्राबान्त जिल्लाबाट उम्मेदवार बनेका हुन् ।

केसीले चुनावी उम्मेदवारी नेपाल चिनाउने सुनौलो अवसर भएको बताए । ‘परिणाम आफ्नो ठाउँमा छ,’ उनले भने, ‘तर, मतदाताले नेपाल चिन्छन् ।’ नेपाली तथा एसियाली नागरिकको बसोबास क्षेत्र भएकाले परिणाम आफ्नो पक्षमा आउनेमा उनी विश्वस्त छन् ।

पश्चिम नेपालको पर्वतका बासिन्दा केसी १६ वर्षदेखि नेपाली मूलका बेल्जियमका नागरिक हुन् । उनी सन् २०१२ मा भएको स्थानीय चुनावमा लुभेन नगरपालिकाको सदस्यमा ग्रुन पार्टीबाट लडेका थिए ।

बेल्जियममा २१ वर्ष पुगेकाले उम्मेदवार बन्न पाउँछन् ।

महिला’पुरुष उम्मेदवार ५०/५० प्रतिशत हुनु पर्ने निर्वाचन प्राणालीमा राजनैतिक दलको लागि प्रत्येक जिल्लामा(सीमित क्षेत्रबाहेक) ५ प्रतिशत थ्रेस होल्ड कायम गरीएको छ । भाषिकरुपमा डच,फ्रेन्च र जर्मन तथा भौगोलिक रुपमा फ्लान्डर्स, वालुन र राजधानी क्षेत्र ब्रसेल्स गरी तस्न किसिमले विभाजित बेल्जियमले यस भन्दा अगाडि सन् २०१० मा भएको आमनिर्वाचनपछि सरकार गठनका लागि कुर्नु परेको ५ सय ४१ दिनको विश्व रेकर्ड बनाएको थियो ।

बेल्जियम संबैधानिक राजतन्त्रात्मक संसदीय व्यवस्था भएको देश हो ।

प्रतिक्रिया
सम्बन्धित खवर

बाबा राजेश्वरी थापा, अस्ट्रिया:  बेलायतमा बिहीवार ६ मे २०२१ मा  सम्पन्न स्थानीय निर्वाचनमा हन्सलोस्थित काउन्सिलमा बिष्णु बहादुर गुरुङ्ग मेयर, र

काठमाडौँ। पछिल्लो २४ घण्टामा ९,१९६ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १९ हजार ९८७

काठमाडौँ । कोरोना संक्रमण परीक्षणका लागि आज प्रधानमन्त्री केपी शर्मा ओलीको स्वाब संकलन गरिएको छ । आज बालुवाटारमा प्रधानमन्त्री, उनका

काठमाडौं । प्रधानमन्त्री केपी शर्मा ओलीले संवैधानिक परिषद्को बैठक बोलाएका छन् । प्रधानमन्त्री ओलीले आइतबार बस्नेगरी बैठक बोलाएका हुन् ।