जातीय विभेदका घटनालाई न्यूनीकरण गर्न कानुनको कार्यानवयन हुनुपर्ने

१२ बैशाख २०६९, मंगलवार १७:५१ मा प्रकाशित

काठमाडौ, १२ बैशाख । मुलुकका विभिन्न स्थानमा भइरहेका जातीय विभेदका घटनालाई न्यूनीकरण गर्न सरकारले बनाएका नीति नियम र कानुनलाई प्रभावकारीरुपमा कार्यान्वयन गर्नुपर्नेमा सरोकारवालाले जोड दिएका छन् । व्यवस्थापिका–संसद् महिला, बालबालिका तथा समाजकल्याण समितिअन्तर्गतको जातीय भेदभाव छुवाछूत समस्या र समाधानका उपाय अध्ययन गर्न गठित उपसमितिद्वारा जातीय विभेद अन्त्यका लागि सरकारले कस्तो व्यवस्था अवलम्बन गर्नुपर्छ भन्ने विषयमा आज भएको छलफलमा उहाँहरुले सो कुरामा जोड दिनुभएको हो । उपसमितिले विभिन्न राजनीतिक दल, दलित युवा तथा सङ्घसंस्थाका प्रतिनिधिसँग गरेको छलफलमा दलित समुदायका लागि राज्यले अख्तियार गरेको जातीय भेदभाव तथा छुवाछूत (सजाय र कसुर) ऐन, २०६८ लाई प्रभावकारीरुपमा कार्यान्वयन गर्नुपर्ने बक्ताहरुले बताएका हुन् । दलित महिला सङ्घकी सदस्य रेणु सिजापतिले दलितको अधिकारका सम्बन्धमा बनेका कानुनी प्रावधानलाई तल्लो तहसम्म लैजान आवश्यक छ भन्नुभयो । उपसमितिका संयोजक विनोद पहाडीले उपसमितिकै पहलमा सरकारले अन्तर्जातीय विवाह गर्ने जोडीलाई दिने गरेको राहत रकम वितरण गर्नका लागि तयारी गरेको जानकारी गराउनुभयो ।

प्रतिक्रिया
सम्बन्धित खवर

काठमाडौं । साउन १५ गते आज नेपाली समाजमा खिर खाएर मनाइँदै छ । वर्षा ऋतुका बेला असार १५ गते दही,

सर्लाही । सर्लाहीको ब्रह्मपुरी गाउँपालिका–३ भेल्हीस्थित निजी पोखरीमा डुबेर मृत्यु भएको अवस्थामा नौ दिनको शिशुसहित तीन जनाको शव फेला परेको

काठमाडौं । सिन्धुलीगढीमा नेपाली सेनाले शुरु गरेको युद्ध सङ्ग्रहालयको निर्माण सम्पन्न भएको छ । युद्ध सङ्ग्रहालयको आज राष्ट्रपति विद्यादेवी भण्डारीले

काठमाडौं । चितवनमा दैनिक पाँच हजार रुपैयाँ दिएर यौन धन्दामा लगाइएका १० जनाको उद्धार गरिएको छ । प्रहरीका अनुसार चितवनको