निःशुल्क वितरणको झुल बिक्रिका लागि बजारमा

११ बैशाख २०६९, सोमबार १८:०२ मा प्रकाशित

रौतहट, ११ बैशाख । गर्भवती तथा सुत्केरी महिलाहरुलाई जिल्ला जनस्वास्थ्य कार्यालयले निशुल्क वितरण गर्नु पर्ने औषधियुक्त मेडिकेटेड सुपानेट झुल बजारमा फेला परेको छ । बिक्री गर्न नपाउने सुपानेट झुल जनस्वास्थ्यका कर्मचारीले बिक्री गरेको किन्ने व्यापारीहरुले बताएका छन । कालाजार फैलिन सक्ने क्षेत्रमा गैर सरकारी तथा नेपाल सरकारको संयुक्त पहलमा रौतहटका ११ गाविसमा निशुल्क झुलको वितरण कार्यक्रम रहेको छ । रौतहटको कालाजार प्रभावित गाविसका गर्भवती जाँच गराउन स्वास्थ्य संस्थामा आउने महिलाहरुलाई निशुल्क वितरण गर्नका लागि नेपाल सरकारले जिल्ला स्वास्थ्य कार्यालय रौतहटलाई पठाएको मेडिकेटेड सुपानेट झुल गौर बजारका विभिन्न कपडा तथा औषधि पसलहरुमा प्रति गोटा १२ सय रुपैयाँमा बिक्री भइरहेको छ । गर्भवती महिलाहरु स्वास्थ्य संस्थामा जचाउन आउनेलाई एक थान मेडिकेटेड झुल वितरण गर्नका लागि नेपाल सरकार स्वास्थ्य तथा जनसङ्ख्या मन्त्रालय तथा गैर सरकारी सस्था जानकी महिला जागरण समाज धनुषाबाट दुई महिना अघि सातहजार चार सय थान सुपानेट झुल जनस्वास्थ्य कार्यालय गौरमा पठाएको थियो । अस्पतालकै कर्मचारीको मिलोमतोमा चार बोरा झुल स्थानीय पसलमा बिक्री गरी गोदामबाट झुल चोरी भएको बताइएको हो । एक महिनाअघि झुल चोरी भएको फाँटका प्रमुख चौधरीले बताउदै आए पनि जनस्वास्थ्य प्रमुख डा. अखलेश्वर सिहले चोरीको बिषयमा आफुलाइ कुनै जानकारी नभएको बताउनुभयो ।

प्रतिक्रिया
सम्बन्धित खवर

काठमाडौँ । प्रत्येक वर्ष वैशाखकृष्ण पक्ष औँसीका दिनमा जन्मदाता आमालाई सम्मान गरी मनाइने आमाको मुख हेर्ने पर्व आज देशभर आमालाई

लमजुङ: जिल्लामा महिला तथा बालबालिका हराउनेको सङ्ख्यामा वृद्धि भएको छ । महिला तथा बालबालिका हराउनुमा बैदैशिक रोजगार, अन्तरजातीय प्रेम, सामाजिक सञ्जालको

काठमाडौँ । काठमाडौँस्थित अमेरिकी दूतावासले आफ्ना कर्मचारीलाई निवासबाहिर ननिस्कन निर्देशन दिएको छ । नेपाल सरकारले चैत १६ देखि लकडाउन घोषणापछि

विर्तामोड । मेचीनगरमा इन्टरनेट र टेलिफोनको तार चोरी गरेको आरोपमा एक किशोरसहित दुई व्यक्ति पक्राउ परेका छन् । मेचीनगर नगरपालिका–७