छनोटका तीन मापदण्ड, नेपालद्वारा बैठक बहिष्कार

१३ फाल्गुन २०७०, मंगलवार ०६:०५ मा प्रकाशित

काठमाडौं, १३ फागुन । नेकपा एमालेले पार्टीको तर्फबाट सरकारमा सहभागी हुने मन्त्रीको नाम छनोट गर्ने जिम्मा अध्यक्ष झलनाथ खनाल, संसदीय दलका नेता केपी शर्मा ओली र उपाध्यक्ष तथा सरकारमा पार्टीबाट नेतृत्वकर्ता वामदेव गौतमलाई दिएको छ । सोमबार बसेको स्थायी समिति बैठकले उपाध्यक्ष गौतमले सुझावसहित प्रस्ताव तयार पार्ने र तीन नेताले अन्तिम रूप दिने निर्णय गरेको हो ।

ग्रान्डी अस्पताल धापासीमा सम्पन्न बैठकले मन्त्री छनोटका लागि तीन मापदण्ड तय गर्दै पार्टीबाट सरकारको नेतृत्वकर्ता गौतमलाई मन्त्री हुनेका नामावली तयार पार्न जिम्मेवारी दिएको छ । उपाध्यक्ष गौतम प्रधानमन्त्रीपछिको पहिलो मर्यादामा उपप्रधान तथा गृहमन्त्री रहने गरी सरकारमा सहभागी हुने निर्णय एमालेले यसअघि नै गरिसकेको छ । नेपाली कांग्रेससँगको सहमतिअनुसार एमालेको भागमा १० ओटा मन्त्रालय परेका छन् ।

सोहीअनुसार एमालेले मन्त्री छनोटको गृहकार्य अघि बढाएको हो । स्थायी समितिमा मन्त्रीहरूको नामावलीमा भने कुनै छलफल नभएको नेताहरूले जानकारी दिएका छन् । गौतमलाई स्थायी समिति सदस्यहरूको समेत परामर्शमा प्रस्ताव तयार पार्न भनिएको छ ।

‘सरकारमा पार्टीका तर्फबाट नेतृत्व गर्ने उपाध्यक्ष गौतमले स्थायी समितिका सबै सदस्यसँग परामर्श गरेर नाम तय गर्दै अध्यक्ष र संसदीय दलका नेतासहित बसेर मन्त्रीहरूको अन्तिम टुंगो लगाउने निर्णय गरिएको छ,’ बैठकपछि सचिव शंकर पोखरेलले भने ।

प्रतिक्रिया
सम्बन्धित खवर

काठमाडौं । प्रधानमन्त्री केपी शर्मा ओली र नेपाल कम्युनिष्ट पार्टीका महासचिव नेत्रविक्रम चन्दका उपस्थितिमा दुवै पक्षबीच बिहीबार भएको सहमतिमा आज

काठमाडौं । वीरगन्जकी छपकैयाकी मुस्कान खातुनले अमेरिकी विदेश मन्त्रालय दिने अवार्ड पाएकी छन्। गत वर्ष विद्यालय जाँदै गर्दा तेजाब आक्रमणमा

झुट्टा विवरण पेश गरेर नाबालक परिचयपत्र बनाउन खोज्नेलाई सघाएको आरोप लागेका म्याग्दीको धवलागिरि गाउँपालिका–३ मुनाका वडाध्यक्ष पुर्म पुन र सचिव

काठमाडौं । नेपाली काँग्रेसले बदलिँदो राजनीतिक परिस्थितिमा संविधान, लोकतन्त्र र जनतालाई केन्द्रमा राखेर निर्णय लिने भएको छ । कांग्रेसका सभापति