नेपाल-भारत जैविक प्रविधि सम्मेलन सम्पन्न; जैविक प्रविधि रणनीति २०१२ सार्वजनिक

१० बैशाख २०६९, आईतवार ०१:४२ मा प्रकाशित

काठमाडौ, १० वैशाख । शनिबार सम्पन्न प्राकृतिक उत्पादनसम्बन्धी जैविक प्रविधि सम्मेलनले नेपाल-भारत जैविक प्रविधि रणनीतिक योजना २०१२ सार्वजनिक गरेको छ । काठमाडौ सम्पन्न सम्मेलनमा सहभागी दुवै देशका विज्ञहरूले पाँच बुँदे रणनीति तय गरेका हुन् ।

तय गरिएको रणनीतिअनुसार जैविक प्रविधिका क्षेत्रमा भारत र नेपालबीच सहकार्यका लागि छिट्टै उपयुक्त संयन्त्र निर्माण गरिनेछ । औषधीय बोटबिरुवा र यसका उत्पादनहरूका लागि बलियो र अत्याधुनिक पहिचान गर्ने थलो विकास गरिनुपर्ने पनि रणनीतिमा औंल्याइएको छ ।

नेपाल र भारतले परस्पर प्राथमिकताका आधारमा यस क्षेत्रमा संयुक्त अनुसन्धान एवं विकास परियोजना कार्यान्वयन गर्ने रणनीतिमा उल्लेख गरिएको छ । भारत सरकारको जैविक प्रविधि विभागको सहयोगमा नेपाल बायोटेक्नोलजी सेन्टर स्थापनाका पहल गरिने छ र दुवै संस्थानबीच संयुक्त वैज्ञानिक सल्लाहकार समितिसमेत बनाइने छ ।

‘राम्रो स्वास्थ्य सुन्दरता र धनका लागि प्राकृतिक उत्पादन’ नारासाथ सम्पन्न तीन दिने सम्मेलन विज्ञान र प्रविधि मन्त्रालय र भारतीय दूतावासको सहयोगले बिपी कोइराला इन्डिया नेपाल फाउन्डेसन एवं सेन्टर फर मलिक्युलर डायनामिक्स नेपाल (सीएमडीएन) गरेको थियो ।

प्रतिक्रिया
सम्बन्धित खवर

काठमाडौं । नेपालमा गत २४ घण्टामा ७३६८ जनामा कोरोना भाइरस संक्रमण पुष्टि भएको छ । १९ हजार ५ सय ३९

काठमाडौँ । जनता समाजवादी पार्टी (जसपा) नेपालले प्रधानमन्त्री केपी शर्मा ओलीको शपथ बदर गर्न माग गरेको छ । जसपा नेपालका

काठमाडौं । प्रधानमन्त्री केपी शर्मा ओलीले लिएको सफतविरुद्ध सर्वोच्चमा रिट पेश भएको छ । प्रधानमन्त्री ओलीलाई शुक्रबार राष्ट्रपति विद्यादेवी भण्डारीले

प्रयागराज । भारतको उत्तर प्रदेशका प्रहरीहरु अहिले गङ्गा नदीका किनारामा बालुवाले अलिअलि छोपछाप पारिएका शवको अनुसन्धान गर्न खटिएको छ ।