दुर्घटनाग्रस्त विमानको ब्ल्याक बक्स फेला पर्यो,दुर्घटनामा ११ बालबालिका परे,बच्ने सम्भावना छैन

९ बैशाख २०६९, शनिबार २०:१८ मा प्रकाशित

पाकिस्तान, ९ बैशाख (एजेन्सी) । पाकिस्तानमा दुर्घटना भएको विमानको बोइङ्ग ७३७ को ब्ल्याक बक्स रेकर्डर फेला परेको छ।
दुर्घटनाको जाँच गरिरहेका अधिकारीहरूले विमानको अवशेष हटाउने क्रममा उक्त ब्ल्याक बक्स फेला परेको हो। उक्त दुर्घटना खराब मौसमका कारण भएको बताइएको छ। विमान अवतरण हुदा त्यहाँ ठूलो हुरी बतास चलिरहेको थियो।
विमान खसेपछि त्यसमा आगो लागेको केही प्रत्यक्षदर्शीले बताएका छन्। हुनत विमान निकै पुरानो भएका कारण उक्त दुर्घटना भएको पनि बताइएको छ। दुर्घटनामा १ सय २७ जनाको ज्यान गएको थियो। कराँचीबाट उडेको भोजा एयरको विमान इस्लामावाद नजिकै दुर्घटना भएको थियो । एयरलाइनले जनाएअनुसार दुर्घटनामा परेको बोइइङ ७३७ मा
थिए। दुर्घटनामा ११ बालबालिकासमेत परेका छन्। ‘दुर्घटनामा परेर बाच्ने सम्भावना छदै छैन। भयो भने त्यो चमत्कारमात्र हुनेछ। विमान पूरै ध्वस्त भएको छ,’ प्रहरी अधिकृत फैजल अकबरले एएफपीलाई भने।
अहिलेसम्म १ सय १० जनाको शव फेला परेको बताइएको छ। तर फेला परेका शव कसका हुन पहिचान हुने अवस्थामा छैनन्। दुर्घटनास्थलमा बत्ती पुर्‍याइ रातभर शव खोज्ने कार्य जारी राखिएको थियो। रक्षा सचिव नर्गिस सेथीले अनुसन्धानका लागि समिति गठन भइसकेको जानकारी दिए। पाकिस्तानी सैन्य अधिकारीले दिएको जानकारी अनुसार विमान अवतरण गर्ने क्रममा दुर्घटना भएको हो। ‘मौशम एकदमै खराव थियो, हुरी र आँधी पनि चलेको थियो। पाइलटले नियन्त्रण गुमाए र यो जमिनमा धसिन पुग्यो,’ एक सैन्य अधिकृतले घटनाबारे प्रस्ट्याए।

प्रतिक्रिया
सम्बन्धित खवर

बग्दाद, एएफपी । इराकको राजधानी बग्दादमा आन्दोलनरत धर्मगुरु मुक्तदा अल–सदरका समर्थकहरूले उच्च सुरक्षा घेरा तोडेर संसद् भवन प्रवेश गरेका छन्

काठमाडौं । जापानका पूर्वप्रधानमन्त्री सिन्जो आबेमाथि शुक्रबार बिहान नारा सहरमा आक्रमण भएको छ । सभालाई सम्बोधन गर्ने क्रममा उनीमाथि गोली प्रहार

काठमाडौं । तिब्बतका धर्म गुरु दलाई लामालाई भारतीय प्रधानमन्त्री नरेन्द्र मोदीले जन्मदिनको शुभकामना दिएपछि भारतसँग चीन सशङ्कित भएको छ ।

काठमाडौं । जापानका पूर्वप्रधानमन्त्री शिन्जो आबेमाथि गोली प्रहार भएको छ । देशको पश्चिम क्षेत्रको नारा भन्ने स्थानमा सडकमा भाषण गरिरहेको