‘वर्षदिनभित्र संविधान बन्नेमा आशंका छ’

१ फाल्गुन २०७०, बिहीबार १६:४९ मा प्रकाशित

काठमाडौं, १ फागुन । एमाओवादी अध्यक्ष पुष्पकमल दाहालले वर्ष दिनभित्र संविधान बन्नेमा आशंका व्यक्त गरेका छन् ।
१९ औं जनयुद्ध दिवसका अवसरमा आज (बिहीबार) पार्टी मुख्यालय कोटेश्वरमा आयोजित कार्यक्रममा दाहालले प्रमुख सत्ता साझेदार कांग्रेस र एमालेबीच मन्त्रालय बाँडफाँटमा सुरु भएको झगडाले वर्षदिनभित्र संविधान बन्नेमा शंका जन्मिएको बताए । सत्ताको समस्यामा दुई दल परेकाले नयाँ संविधानमा प्रश्न उठेको उनले बताए ।
उनले संविधानसभामा परिवर्तन बिरोधी ठूला र परिवर्तनकारी दल साना भएकाले अधिकार सम्पन्न संविधान नबन्ने उल्लेख गरे ।
‘संविधानसभाभित्र र बाहिरबाट संघर्ष गरेर प्रगतिशील संविधान बनाउनु पर्छ,’ अध्यक्ष दाहालले भने, ‘प्रगतिशील संविधानका लागि एमाओवादी दृढ छ ।’
यसैबीच, गृह जिल्ला गोरखामा पूर्व उपाध्यक्ष बाबुराम भट्टराईले जनताको जायज माग पूरा गर्न जनस्तरबाट दबाव सिर्जना गर्नुपर्ने बताए । उनले संविधानसभामा दक्षिणपन्थीहरुको बाहुल्य रहेकाले अहिलेको संविधानसभाबाट प्रगतिशील संविधान बन्ने सम्भावना क्षीण रहेको दाबी गरे ।

प्रतिक्रिया
सम्बन्धित खवर

काठमाडौं । नेकपा एमालेका अध्यक्ष केपी शर्मा ओली तेस्रो पटक प्रधानमन्त्री नियुक्त हुनुभएको छ । राष्ट्रपति विद्यादेवी भण्डारीले ओलीलाई नेपालको

काठमाडौं । ईस्लाम धर्मावलम्वीहरूको महान पर्व रमजान आज धुमधामसँग मनाउने तयारीमा जुटेका छन् । यो पर्वलाई ‘इद उल फित्तर’ भनिन्छ

काठमाडौं । उपप्रधानमन्त्री ईश्वर पोखरेलले कोरोनाविरुद्वको खोप र स्वास्थ्य सामग्री सहयोगका लागि अमेरिकी सरकारसँग आग्रह गर्नुभएको छ । कोभिड–१९ सङ्कट

काठमाडौं । गत २४ घण्टामा ८९६० जना कोरोना भाइरस संक्रमित थपिएका छन् । २०२४५ जनाको पीसीआर र एन्टीजेन परीक्षणमा ८९६०