बोस्टनमा सीतारको झंकार

१ फाल्गुन २०७०, बिहीबार ०५:३४ मा प्रकाशित

बोस्टन, अमेरिका । अध्ययन र अभ्यासका संगीतज्ञ बरिष्ठ सीतार बादक डा ध्रुवेशचन्द्र रेग्मीले बोस्टनमा सांगीतिक प्रस्तुति गरेका छन्। केहि समयदेखि अध्यनका क्रममा अमेरिका रहेका रेग्मीको प्रस्तुतिलाई बोस्टनको सांगीतिक समूह सुसेलीले थप रौनकता प्रदान गरेको थियो। हिमालयन लायन्स क्लबले आयोजना गरेको “हिमालयन क्लासिक नाईट” नाम दिइएको उक्त कार्यक्रममा रेग्मीले करिव दुई घण्टा परम्परागत शास्त्रीय संगीतलाई आधुनिक संगीतसंग फ्युजन गरेर सिर्जना गरेका सांगेतिक कोशेली प्रस्तुत गरे।

उनले शोक धूनदेखि लोक तथा नेपाली चलचित्रका गीतको सांगीतिक स्वरूप प्रस्तुत गर्दा उपस्थित संगीतप्रेमी बोस्टनका नेपालीले परदेशको पाटोमा नेपाली माटोको सुवास भेटेको अनुभूत मात्रै गरेनन नेपाली सांगीतिक शक्तिको चरम आनन्द पनि लिए। कार्यक्रममा बोस्टन बासीलाई आभार व्यक्त गर्दै रेग्मीले आफ्नो सांगीतिक यात्राका क्रममा बटुलेका अनुभव पनि बाढेका थिए।

मौलिक सिर्जनालाई अभ्यास र अध्ययनले परिस्कार र परिमार्जन गर्न सकिन्छ भन्ने मान्यताका अनुसरक रेग्मीले नेपाली शास्त्रीय संगीतलाई एउटा उचाई प्रदान गर्न दशक भन्दा लामो समयदेखि सांगीतिक प्रस्तुति गर्दै आएका छन्। देश-बिदेशमा शास्त्रीय संगीत प्रस्तुत गरेको अनुभब बटुलेका रेग्मीको सहृदय मित्र प्रसिद्ध तबला बादक अतुल गौतमको असामयिक निधनपछि पनि सारंगी बादक श्याम गन्धर्व र तबला बादक प्रमोद उपध्यायको साथमा रेग्मीले कार्यक्रमलाई निरन्तरता दिदै आएका छन।

यसपटक बोस्टनको कार्यक्रममा रेग्मी एक्लै भए पनि सुसेली समूहका तबला बादक सागर खतिवडा र सारंगी बादक सुशील गौतमको साथ पाएका थिए र साथमा रंजन बुढाथोकीको मादल र बासुरी तथा हरेन्द्र चौधरीको ढोलकले कार्यक्रम स्वादिलो बनेको थियो।

रंगकर्मी मिलन कार्कीको संयोजनमा आयोजित कार्यक्रममा क्लबका अध्यक्ष विष्णु कार्की, रुपा थापा, कुमार कार्की लगायतले मन्तव्य व्यक्त गरेका थिए।

प्रतिक्रिया
सम्बन्धित खवर

काठमाडौं । राष्ट्रपति विद्यादेवी भण्डारीले नेपाली वाङ्‍मय क्षेत्रका विभिन्न व्यक्तित्वलाई विभिन्न प्रज्ञा पुरस्कार प्रदान गर्नुभएको छ । नेपाल प्रज्ञा-प्रतिष्ठानद्वारा राष्ट्रपति

काठमाडौं । नेपाली साहित्यका आदिकवि भानुभक्त आचार्यको २०८औँ जन्मजयन्ती आज देश तथा विदेशका विभिन्न स्थानमा समेत विविध कार्यक्रमको आयोजना गरी

काठमाडौं । साहित्यकार डा वानीरा गिरिको गए राति कोरोना सङ्क्रमणले निधन भएको छ । काठमाडौँ बानेश्वरस्थित निजामती अस्पताल पु¥याइएको आधा

काठमाडौं । संयुक्त राज्य अमेरिकामा बसेर साहित्य लेखनमा सक्रिय नेपाली स्रष्टा सुकृति शर्माले नयाँ कथासंग्रह ‘सत्र पुष्प पत्रहरु’बाट ५ हजार