सहमतिका लागि दलहरूको प्रयास तीब्र, मोर्चा र माओवादीबीच छलफल

९ बैशाख २०६९, शनिबार १६:२८ मा प्रकाशित

काठमाडौ, ९ वैशाख । विभिन्न विषयमा सहमतीका लागि राजनीतिक दलहरुले आज पनि आफ्ना छलफल जारी राखेका छन् । अहिले एकीकृत नेकपा माओवादी र मधेसी मोर्चाबीच छलफल भइरहेको छ । माओवादी अध्यक्ष प्रचण्डको निवास लाजिम्पाटमा छलफल भइरहेको हो ।
यसअघि आजै भएको छलफलमा एकीकृत नेकपा माओवादी र नेपाली काँग्रेस संविधान निर्माणलगायतका विषयमा साझा धारणा खोज्न सहमत भएका छन् । एकीकृत माओवादीका अध्यक्ष पुष्पकमल दाहाल प्रचण्डाको निवास लाजिम्पाटमा भएको दुई दलको छलफलमा यस्तो सहमति भएको हो । आजको छलफलमा सबै विषयलाई एकमुष्ठ रुपमा समाधान गर्नेगरी छलफल भए पनि तर कुनै पनि विषयमा सहमति नभएको काँगेसका उपसभापति रामचन्द्र पौडेलले जानकारी दिनुभयो ।
दुई दलको बैठकमा शासकीय स्वरुप, राज्य पुनःसंरचना, निर्वाचन प्रणालीलगायतका विषयमा छलफल भएको थियो । यसैगरी माओवादीका सचिव पोष्टबहादुर बोगटीले शासकीय स्वरुपको विषयमा अनौपचारिक सहमति भए पनि चार दलको बैठकमा लगेर टुङ्ग्याइने जानकारी दिनुभयो । छलफलमा मुख्य गरी शासकीय स्वरुप र राज्य पुनः संरचनाको विषयमा छलफल भएको सचिव बोगटीले जानकारी दिनुभयो । विवादहरु समाधान गर्न बैठक सकारात्मक देखिएको जानकारी दिए पनि के के विषयमा सहमति नजिक पुगिएको भन्ने बारेमा भने नेताहरुले केही बताएनन् । विवादित विषयहरूमा सहमति जुटाउन भोलिसम्ममा दलहरू सफल नभए नियमित प्रक्रियाबाट विवादहरूको टुङ्गो लगाइने भएको छ ।

प्रतिक्रिया
सम्बन्धित खवर

काठमाडौं । नेपाली कांग्रेसले पार्टीको १४औं महाधिवेशन भदौ १६ बाट गर्ने भएको छ । यो निर्धारित मितिभन्दा ९ दिन ढिलो

काठमाडौँ । पछिल्लो २४ घण्टामा देशभर ३ हजार ३८४ जना कोरोना भाइरस संक्रमण पुष्टि भएको छ । स्वास्थ्य तथा जनसंख्या

काठमाडौँ। पाँच पूर्वप्रधानमन्त्रीले प्रधानमन्त्री केपी शर्मा ओलीले सर्वोच्च अदालतलाई पार्टीको बैठकबाट मात्र होइन, महान्यायाधिवक्तामार्फत धम्क्याएको बताएका छन् । उनीहरूले शनिवार

पोखरा । गण्डकी प्रदेशको मुख्यमन्त्रीमा कृष्णचन्द्र नेपाली पोखरेल नियुक्त भएका छन् । प्रदेश प्रमुख सीताकुमारी पौडेलले संविधानको धारा १६८ (५)