ताप्लेजुङबाट सुरु भएको आप्पा शेर्पा टोलीको पदयात्रा आज दार्चुलामा सकियो

८ बैशाख २०६९, शुक्रबार १५:२५ मा प्रकाशित

काठमाडौ, ८ बैशाख । पूर्वको ताप्लेजुङदेखि पदयात्रा सुरु गरेका आप्पा शेर्पाको टोलीले आज सुदर पश्चिमको दार्चुला पुगेर पदयात्रा सकेका छन् । विश्वकै सबैभन्दा लामो पदयात्रा मार्ग दावी गरिएको ग्रेट हिमालयन ट्रेकको १ हजार ७ सय किलोमिटर लामो दूरी ९७ दिनमा यात्रा पुरा गरेको आयोजकले जनाएको छ । उच्च पहाडी र हिमाली क्षेत्रमा जलवायु परिवर्तनको असरबारे अध्ययन गर्ने र पर्यटकीय सम्भावनाको खोजी गर्ने उद्धेश्यले आप्पा शेर्पाको टोलीले ‘क्लाइमेट स्मार्ट सेलिब्रेटी ट्रेक’ पदयात्रा सुरु गरेको हो । गएको पुस २९ गते राष्ट्रपति डा. रामवरण यादवको हातबाट नेपाली झण्डा लिएको टोलीले ताप्लेजुङबाट माघ १ गते यात्रा सुरु गरेको थियो । पदयात्रा टोलीमा सगरमाथा आरोही तथा सगरमाथा सफाइ अभियानका अभियन्ता दावा स्टेफन शेर्पा, पत्रकार सौरभ ढकाल र फोटो पत्रकार समिर जंग थापा पनि सहभागि हुनुहुन्छ । उच्च पहाडी तथा हिमाली क्षेत्रमा जलवायु परिवर्तनका कारण जनजीवन कष्टकर हुन थालेकाले त्यस क्षेत्रको पर्यटन विकास गरी स्थानीय वासिन्दाको आर्थिक स्तर उकास्न भन्दै गरिएको पदयात्रामा सरकार र बिभिन्न संघ संस्थाले सहयोग गरेका थिए पदयात्रीको टोली बैशाख १० गते काठमाडौं फकिर्ने कार्यक्रम रहेको बताईएको छ ।

प्रतिक्रिया
सम्बन्धित खवर

हुम्ला । मुगु र हुम्ला जिल्ला जोड्ने लिंक रोड निर्माण गरे पनि कर्णाली नदीमा पुल निर्माणमा ढिलाइ भएको छ ।

दक्षिणी धादिङको ताल्तीस्थित हुरेमा सोमबार एक पुरुषले श्रीमतीको हत्या गरेर आफूले समेत आत्महत्या गरेका छन् । बेनिघाटरोराङ गाउँपालिका–२ ताल्तीस्थित हुरेका

पाल्पा । सिद्धार्थ राजमार्ग अन्तरगत सिद्धबाबा नजिकै गुडिरहेको जिपमा खसेको ढुङ्गाले च्यापेर एक जनाको मृत्यु भएको छ । मृत्यु हुनेमा

मेलम्ची खोलामा आएको निरन्तरको बाढीले सोमबार राति मेलम्ची–११ का सात घर बगाएको छ । गत असार १ गतेको बाढीले कटान