नेविसंघ र अनेरास्ववियुको छुट्टाछुट्टै प्रदर्शन

८ बैशाख २०६९, शुक्रबार १५:२२ मा प्रकाशित

काठमाडौ, ८ बैशाख । काठमाडौंको पशुपति क्याम्पसमा हिजो भएको झडपविरुद्ध नेविसंघ र अनेरास्ववियुले आज बिहान राजधानीका विभिन्न क्याम्पस अगाडि छुट्टाछुट्टै प्रदर्शन गरेका छन् । अनेरास्ववियुका कार्यकर्ताले आफ्ना साथीहरुमाथि आक्रमण गरेकोभन्दै नेविसंघले घण्टाघरस्थित त्रिचन्द्र क्याम्पस र लैनचौरस्थित अमृत साइन्स क्याम्पस अगाडि प्रदर्शन गरेको हो । प्रदर्शनसंगै विद्यार्थीहरुले चक्काजाम समेत गरेका थिए । चक्काजामकै क्रममा नेविसंघका विद्यार्थीहरुले चाबहिलमा एउटा सरकारी गाडीमा आगजनी गरेका छन् । आगजनीबाट बा १ झ ५४६७ नम्बरको गाडीमा पूर्ण रुपमा  क्षति पुगेको प्रहरीले जनाएको छ । त्यस्तै अनेरास्ववियुले आफ्ना कार्यकर्ताहरुलाई नेविसंघले आक्रमण गरेकोभन्दै पुतलीसडक स्थित आरआर क्याम्पस अगाडि चक्का जाम गरेको थियो । हिजो भएको झडपको बिषयलाई लिएर नेविसंघ र अनेरास्ववियुबीच आरोपप्रत्यारोप चलेको छ । नेविसंघले क्याम्पसहरुमा अनेरास्ववियुका पदाधिकारीहरु प्रवेशगरी आफना कार्यकर्ताहरुमाथि खुकुरी र रड प्रयोग गर्ने आक्रमणकारीहरुलाई  कारबाही हुनपर्ने  माग गरेको छ भने अनेरास्ववियूले झुट्टा आरोपलगाई आफना कार्यकर्ताहरुलाई फसाएको भन्दै कार्यकर्ता रिहाईको मागगर्दै चक्का जाम गरेको जनाएको छ । नेविसंघले अनेरास्ववियुका कार्यकर्ताहरुको आक्रमणबाट अर्जुन भण्डारी, रमेश खड्का र रोशन श्रेष्ठ घाइते भएको आरोप लगाएको छ ।घाइतेमध्ये रमेश खड्का र अर्जुन भण्डारीको गम्भीर अवस्थामा चावहिलस्थित ओम अस्पतालमा उपचार भइरहेको नेविसंघले जनाएको छ ।

प्रतिक्रिया
सम्बन्धित खवर

निर्वाचन आयोगले मंसिर २ गते संघीय तथा प्रदेश प्रतिनिधिसभाको निर्वाचन गर्न सरकारलाई सुझाव दिने भएको छ । आयोग स्रोतकाअनुसार बुधबार

काठमाडौँ ।सरकारले प्रतिनिधिसभामा रहेको नागरिकता विधेयक फिर्ता लिने निर्णय गरेको छ । मन्त्रिपरिषद्को मंगलबार बसेको बेठकले नागरिकता विधेयक फिर्ता लिने

काठमाडौं। नेपाली कांग्रेसबाट सरकारमा प्रतिनिधित्व गर्ने मन्त्रीहरुले अर्थमन्त्री जनार्दन शर्माको राजीनामा मागेका छन्। मंगलबार दिउँसो प्रधानमन्त्री तथा मन्त्रिपरिषद्‌को कार्यालयमा बसेको

काठमाडौँ । नेपाली काँग्रेसका प्रवक्ता प्रकाशशरण महतले अर्थमन्त्री प्रकरण प्रधानमन्त्री शेरबहादुर देउवाले पनि नजिकबाट निगरानी गरिरहेको बताएका छन् । मंगलबार

आजको प्रमुख समाचार