आदिवासीका अधिकार सुनिश्चितता लागि प्रयास गर्ने काङ्ग्रेस सभापति कोइरालाको आश्वासन

८ बैशाख २०६९, शुक्रबार १५:१५ मा प्रकाशित

काठमाडौ, ८ बैशाख । आदिवासी जनजाति महासङ्घले नयाँ संविधानमा आदिवासी जनजातिको विभिन्न अधिकारको सुनिश्चितको माग गर्दै नेपाली काँग्रेसका सभापति सुशील कोइरालालाई आज सातबुँदे ज्ञापनपत्र बुझाएको छ । ज्ञापनपत्र बुझ्दै सभापति कोइरालाले ज्ञापनपत्रमा उल्लेख भएका मागमध्ये धेरै माग सम्बोधनका लागि विभिन्न दलका नेतृत्वसँग छलफल भइरहेको जानकारी दिँदै त्यसका लागि आफूले सक्दो प्रयास गर्ने प्रतिबद्धता व्यक्त गर्नुभयो । ज्ञापनपत्रमा जातीय पहिचानसहितको सङ्घीयता निर्माण गर्नुपर्ने, निर्धारित समयमा संविधान जारी गर्नुपर्ने, सङ्क्षिप्त संविधान स्वीकार्य नहुने, सीमान्तकृत र अल्पसङ्ख्यक जातिको  सामाजिक र आर्थिक विकासका लागि सरकार संवेदनशील हुनुपर्नेलगायत उल्लेख गरिएको छ । महासङ्घका अध्यक्ष राजकुमार लेखीले सदीयाँैदेखि नेपालमा बसोवास गर्दै आएका आदिवासी जनजातिको अधिकारलाई सरकारले संरक्षण गरी उनीहरुलाई राज्यको मूलप्रवाहमा ल्याउन आवश्यक रहेको बताउनुभयो ।

प्रतिक्रिया
सम्बन्धित खवर

केदार मगर, खोटाङ । साकेला गाउँपालिका–५ मात्तिमविर्तालाई केन्द्रविन्दु बनाएर आइतबार गएको भूकम्पले हालसम्म जिल्लाभर दुई विद्यालय भवन, एक प्रहरी चौकी

म्याग्दी । म्याग्दीका पौढ महिलाहरूले बुढ्यौलीमा माध्यमिक शिक्षा परीक्षा (एसइई) उत्तीर्ण गरेर पढाइलाई उमेरले नछेक्ने भनाइलाई चरितार्थ गर्नुभएको छ ।

नवलपुर । पूर्वपश्चिम राजमार्गअन्तर्गत नवलपरासी (बर्दघाट–सुस्तापूर्व)को दाउन्नेमा यात्रुबाहक बसमा आगलागी हुँदा ३३ यात्रु घाइते भएका छन् । आज बिहान साढे

काठमाडौं । जापानका पूर्वप्रधानमन्त्री सिन्जो आबेमाथि शुक्रबार बिहान नारा सहरमा आक्रमण भएको छ । सभालाई सम्बोधन गर्ने क्रममा उनीमाथि गोली प्रहार