खेलकुदको भ्रष्टाचार छानविन गर्न सार्वजनिक लेखा समितिको बैठक

काठमाडौ, ७ बैशाख । छैटौ राष्ट्रिय खेलकुद प्रतियोगिताको खर्चविवरण नबुझाइएको बारेमा छलफल गर्न संसदको सार्वजनिक लेखा समितिको बैठक आज बस्दैछ । समितिको कार्यालय सिंहदरवारमा अहिले केहिवेरमा सुरु हुने बैठकमा राष्ट्रिय खेलकुद परिषद् लगायतका निकायले राष्ट्रिय खेलकुद प्रतियोगिताको हिसाव नबुझाएको बारेमा छलफल हुने समिति सभापति रामकृष्ण यादवले जानकारी दिनुभयो । बैठकमा युवा तथा खेलकुदमन्त्री, राष्ट्रिय खेलकुद परिषद्का सदस्य सचिव, सचिव लगायतका अधिकारीहरुलाई बोलाइएको छ । समितिको यसअघिको बैठकले बैशाख ५ सम्ममा खेलकुद प्रतियोगिताको आयव्यय बुझाउन निर्देशन दिएको थियो । राखेपले भने समय नपुगेकोभन्दै लेखा समतिसँग थप समय माग गर्ने बुझिएको छ ।