मधेसी कार्यदलले आज मस्यौदा सार्वजनिक गर्ने

७ बैशाख २०६९, बिहीबार १०:२० मा प्रकाशित

काठमाडौ, ७ बैशाख । मधेसका माग र मुद्दा उठाउनको लागि गठन गरिएको कार्यदलले आज मस्यौदा सार्वजनिक गर्ने भएको छ । भावी संविधानमा मधेसको मुद्दा समावेश गर्नभन्दै संविधानसभामा सहभागी बिभिन्न १५ दलका सभासद तथा दलका नेताहरुको बैठकले मधेसी जनअधिकार फोरम नेपालका अध्यक्ष उपेन्द्र यादवको संयोजकत्वमा मधेसी कार्यदल गठन गरेको थियो । मस्यौदा तयार गर्ने बारेमा छलफल गर्न कार्यदलको बैठक बिहान ११ बजेपछि सिंहदरवारमा सुरु हुनेछ । कार्यदल सदस्य रामरिजन यादवका अनुसार स्वायत्त मधेस प्रदेशलाई मुख्य आधार बनाएर मस्यौदा बनाउने बारेमा बैठकमा छलफल हुनेछ । बिगतका सरकार तथा प्रमुख दलहरुबीच भएका २२, ८ र ४ बुँदे सहमतिको समीक्षासहित कार्यदलले मस्यौदा बनाउनेछ । कार्यदलको मस्यौदाको बारेमा छलफल गर्न आजै मधेसवादी दलका नेता तथा सभासदको संयुक्त बैठक बस्नेछ । दिउँसो २ बजेपछि सिंहदरवारमा बस्ने बैठकले स्वीकृत गरेपछि मस्यौदा आज सार्वजनिक गर्ने कार्यदल सदस्य रामरिजन यादवले सीआईएनलाई जानकारी दिनुभयो । मधेसका मुद्दा सम्बोधन गराउन र जागरण अभियान सञ्चालन गर्ने गरी साझा धारणा तयार पार्ने उद्देश्यका साथ गठित कार्यदलमा लक्ष्मणलाल कर्ण, शरत्सिंह भण्डारी, जितेन्द्र देव, रामरिझन यादव, गोपाल ठाकुर र बृशेषचन्द्र लाल सदस्य रहनुभएको छ ।

प्रतिक्रिया
सम्बन्धित खवर

केदार मगर, खोटाङ । साकेला गाउँपालिका–५ मात्तिमविर्तालाई केन्द्रविन्दु बनाएर आइतबार गएको भूकम्पले हालसम्म जिल्लाभर दुई विद्यालय भवन, एक प्रहरी चौकी

म्याग्दी । म्याग्दीका पौढ महिलाहरूले बुढ्यौलीमा माध्यमिक शिक्षा परीक्षा (एसइई) उत्तीर्ण गरेर पढाइलाई उमेरले नछेक्ने भनाइलाई चरितार्थ गर्नुभएको छ ।

नवलपुर । पूर्वपश्चिम राजमार्गअन्तर्गत नवलपरासी (बर्दघाट–सुस्तापूर्व)को दाउन्नेमा यात्रुबाहक बसमा आगलागी हुँदा ३३ यात्रु घाइते भएका छन् । आज बिहान साढे

काठमाडौं । जापानका पूर्वप्रधानमन्त्री सिन्जो आबेमाथि शुक्रबार बिहान नारा सहरमा आक्रमण भएको छ । सभालाई सम्बोधन गर्ने क्रममा उनीमाथि गोली प्रहार