विवादित विषयबारे छलफल गर्न प्रमुख तीन दलको बैठक बस्दै

७ बैशाख २०६९, बिहीबार १०:१९ मा प्रकाशित

काठमाडौ, ७ बैशाख । भावी संविधानका विवादित बिषयमा सहमति जुटाउने बारेमा छलफल गर्न प्रमुख तीन दलको बैठक आज पनि बस्दैछ । प्रमुख तीन दलको बैठक मध्यान्ह् १२ बजेपछि सिंहदरवारमा रहेको शान्ति मन्त्रालयमा सुरु हुनेछ । एकीकृत नेकपा माओवादी, नेपाली काङ्ग्रेस र नेकपा एमालेका शीर्ष नेताहरूको बैठकमा संविधानका विवादित विषयमा सहमति जुटाउने बारेमा छलफल हुनेछ । भावी संविधानका विवादका बुँदामा सहमति गर्नभन्दै हिजो दलहरुको बैठक बसे पनि शीर्ष नेताहरुको अनुपस्थितिका कारण बिभिन्न आयोग गठनको बारेमा सामान्य छलफल भएको थियो । दलहरूबीच अझै राज्यको पुनःसंरचना, शासकीय स्वरुप, न्यायप्रणाली, निर्वाचन प्रणाली लगायतका विषयमा सहमति जुट्न बाँकी छ । विवादित सबै विषयमा सहमति जुटाउन भन्दै यसअघि काठमाडौंको हात्तीवन रिसोर्टमा दलहरूको बैठक बसेको थियो । छलफल सहमति नजिक पुगेकोले अब केही दिनमै सबै विषयलाई टुङ्ग्याउन सफल हुने नेताहरूले दाबी गर्दै आए पनि बैठकहरु उपलब्धिमुलक हुनसकेका छैनन् ।

प्रतिक्रिया
सम्बन्धित खवर

केदार मगर, खोटाङ । साकेला गाउँपालिका–५ मात्तिमविर्तालाई केन्द्रविन्दु बनाएर आइतबार गएको भूकम्पले हालसम्म जिल्लाभर दुई विद्यालय भवन, एक प्रहरी चौकी

म्याग्दी । म्याग्दीका पौढ महिलाहरूले बुढ्यौलीमा माध्यमिक शिक्षा परीक्षा (एसइई) उत्तीर्ण गरेर पढाइलाई उमेरले नछेक्ने भनाइलाई चरितार्थ गर्नुभएको छ ।

नवलपुर । पूर्वपश्चिम राजमार्गअन्तर्गत नवलपरासी (बर्दघाट–सुस्तापूर्व)को दाउन्नेमा यात्रुबाहक बसमा आगलागी हुँदा ३३ यात्रु घाइते भएका छन् । आज बिहान साढे

काठमाडौं । जापानका पूर्वप्रधानमन्त्री सिन्जो आबेमाथि शुक्रबार बिहान नारा सहरमा आक्रमण भएको छ । सभालाई सम्बोधन गर्ने क्रममा उनीमाथि गोली प्रहार