अनन्त सागर अनन्त गगन :: बब्लु कुमार “राही”

५ माघ २०७०, आईतवार ०६:०७ मा प्रकाशित

हे कलम धेर नकोर
अक्षरहरु
हे अक्षर धेर नबन
शब्दहरु
हे शब्द धेर नबन
वक्यहरु
हे वक्य धेर नगर अभिब्यक्तिहरु
अनन्त मनको सागरमा
अक्थ्य अब्यक्त
कथाका ब्यथाका
असिमित गहराइ छन
अथाह अज्ञात
असन्ख्य दुर्बोध
प्रकृतिका खण्डित्
बिखण्डित स्रोतहरु
झर्नाहरु नालाहरु नदीहरु
आफ्नो गती र प्रभावमा
नित्य बगी आइपुग्छन
मसँग मिल्न मसँग जुड्न
मलाई अङ्गाल्न मलाई पिरोल्न

अपूर्णलाई पूर्ण बनाउन
पूर्णलाई सम्पूर्ण बनाउन
ममा नै आइपुग्छन्
यही जीवनका स्रोतहरु
यही जीवनका अभिन्न अङ्गहरु
ममा नै आइपुग्छन ।
असाध्यलाई साध्य बनाउन
मलाई नै उक्साउछन्
पुरुसार्थ नै जीवन हुन्
भनी सम्झाउछन्
पुरुसार्थ नै हुन अस्तित्व
भन्छन अस्तित्वहीन
मानिस कस्तो ?
उषाको मधुर रस्मिले
नित्य मेरो जीवनमा
उत्साहको रङ भरिदिन्छ
कौतुहल मन सूर्य झै
उदित भइदिन्छ
मन चन्द्रबिन्दु हुन्छ
समयको धारामा
जीवनको अन्तिम
क्षणमा स्थलमा जीवनको कुरुक्षेत्र
अपार सागरमा
ब्यकुल मन त्रसित मन
कुण्ठित मन कुत्सित मन
कहिले निस्तार भइ
अनन्त गगनमा गइ
लुप्त भइदिन्छ ।

– आईतबार, 28 पौष, 2070

प्रतिक्रिया
सम्बन्धित खवर

काठमाडौं । राष्ट्रपति विद्यादेवी भण्डारीले नेपाली वाङ्‍मय क्षेत्रका विभिन्न व्यक्तित्वलाई विभिन्न प्रज्ञा पुरस्कार प्रदान गर्नुभएको छ । नेपाल प्रज्ञा-प्रतिष्ठानद्वारा राष्ट्रपति

काठमाडौं । नेपाली साहित्यका आदिकवि भानुभक्त आचार्यको २०८औँ जन्मजयन्ती आज देश तथा विदेशका विभिन्न स्थानमा समेत विविध कार्यक्रमको आयोजना गरी

काठमाडौं । साहित्यकार डा वानीरा गिरिको गए राति कोरोना सङ्क्रमणले निधन भएको छ । काठमाडौँ बानेश्वरस्थित निजामती अस्पताल पु¥याइएको आधा

काठमाडौं । संयुक्त राज्य अमेरिकामा बसेर साहित्य लेखनमा सक्रिय नेपाली स्रष्टा सुकृति शर्माले नयाँ कथासंग्रह ‘सत्र पुष्प पत्रहरु’बाट ५ हजार