‘बैठकलाई लाजिम्पाटमै तयार भएको प्रतिवेदन’

२ माघ २०७०, बिहीबार १३:४७ मा प्रकाशित

एमाओवादीको केन्द्रीय समिति बैठक सुरु
काठमाडौं, २ माघ । मुलुकको पछिल्लो राजनीतिक अवस्था, संगठन सुदृढीकरण र अन्य बिविध विषयमा छलफल गर्न एमाओवादीको केन्द्रीय समितिको बैठक सुरु भएको छ ।

कोटेश्वरस्थित पार्टी मुख्यालयमा आज (बिहीबार) देखि सुरु भएको बैठकमा अध्यक्ष पुष्पकमल दाहालको राजनीतिक प्रतिवेदनमा छलफल हुने एमाओवादीले जनाएको छ । बैठकमा अध्यक्ष दाहालले प्रतिवेदन पेश गरे पछि जम्बो केन्द्रीय समितिका सदस्यले टिप्पणी गर्ने छन् ।

दाहालले दुई पूर्व उपाध्यक्ष बाबुराम भट्टराई र नारायणकाजी श्रेष्ठलाई रिझाउने गरी राजनीतिक प्रतिवेदन तयार पारिसकेका छन् । प्रतिवेदनमा आफ्ना कुरा समेटिने भट्टराई र श्रेष्ठको अपेक्षा छ । भट्टराई र श्रेष्ठले दबाव दिए पछि दाहालले उनीहरुको सल्लाहमा प्रतिवेदन तयार पारेको स्रोतको भनाई छ ।

दाहालले यस पटक कुनै रिसोर्ट, आफन्त, सहयोग कसैको घरमा नगई लाजिम्पाटस्थित निवासमा राजनीतिक र संगठनात्मक प्रतिवेदन तयार पारेका हुन् । दोस्रो संविधानसभाको चुनाव अघिका बैठकको तयारी भन्दै अध्यक्ष दाहाल विभिन्न रिसोर्ट र आफन्तका घरमा गई प्रतिवेदन तयार गर्थे ।

प्रस्तावमा निर्वाचनमा भएको पराजय पार्टीको आन्तरिक कारण प्रमुख रहेको, पार्टी आगामी सरकारमा जान नहुने, संगठन शुद्धीकरण गर्नुपर्नेलगायतका विषय समेटिएको एमाओवादी स्रोतको भनाई छ । प्रतिवेदनले पार्टी एकीकरण र पुन:निर्माणलगायतका विषय पनि समेटेको बुझिएको छ ।

प्रतिक्रिया
सम्बन्धित खवर

काठमाडौँ । पछिल्लो २४ घण्टामा ३,८४० जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १०,८८६ पीसीआर

काठमाडौं । नेकपा माओवादी केन्द्रबाट एमाले प्रवेश गरेका चार नेताले सांसद पदमा पुनर्बहालीको माग गर्दै सर्वोच्च अदालतमा रिट दायर गरेका

काठमाडौं । सरकारले विभिन्न देशबाट कोरोनाविरुद्धको खोप आयातलाई तिब्रता दिएको छ । तर सरकारले खोप अभियानलाई व्यवस्थित गर्न नसक्दा नागरिक

काठमाडौं । नेपालले अमेरिकासँग कोरोनाविरुद्धको थप खोप सहायताका निम्ति अनुरोध गरेको छ । प्रधानमन्त्री शेरबहादुर देउवाले संयुक्त राज्य अमेरिकाका विदेशमन्त्री