श्रीमती हत्याको आरोपमा श्रीमान् पक्राउ, बाबु कुट्ने छोरा प्रहरीको नियन्त्रणमा

५ बैशाख २०६९, मंगलवार ११:०४ मा प्रकाशित

बाग्लुङ, ५ बैशाख । आफ्नै श्रीमतीको हत्या गरी झुण्ड्याएको आरोपमा जिल्ला प्रहरी कार्यालय बागलुङमा मृतकका माइतीले हिजो किटानी जाहेरी दिएका छन् । बागलुङ रायडाँडा गाविस वडा नं ७ बस्ने श्याम सापकोटाविरुद्ध मृतकका माइतीपक्ष अमलाचौर १ का विष्णुदक्त पन्तले किटानी जाहेरी दर्ता गराउनुभएको हो । सापकोटाले २२ वर्षका श्रीमती पवित्रा सापकोटालाई हत्या गरी झुण्डाएको आरोपमा जाहेरीमा उल्लेख गरेको जिल्ला प्रहरी कार्यालय बागलुङले जनाएको छ । मृतक सापकोटा शनिबार राती सम्पर्कविहीन भएको र आईतबार बिहान घर नजिकैको रुखमा झुण्डिएको अवस्थामा फेला परेकी थिईन् । पन्तको किटानी जाहेरी लगत्तै प्रहरीले सापकोटालाई नियनत्रणमा लिएको छ । सापकोटामाथि आवश्यक सोधपुछ भइरहेको प्रहरीले जानकारी दिएको छ । सापकोटाका एक छोरी र एक छोरा रहेका छन् । हत्या वा आत्महत्या के हो भन्ने खुल्न नसकेको र यस बारेमा अनुसन्धान भइरहेको पनि प्रहरीले जनाएको छ । यसैबीच जिल्ला प्रहरी कार्यालय बागलुङले घरझगडामा आफ्नै वृद्ध बुबालाई कुटपीट गरेको आरोपमा हिजो बागलुङ नगरपालिका १ रामरेखा बस्ने ३७ वर्षका हेमेन्द्र निउरेलाई प्रहरीले नियन्त्रणमा लिएको छ । निउरेमाथि आफ्ना ६४ वर्षका बाबुलाई कुटपिट गरेको आरोप छ ।  कुटपिटपछि घाइते हेमेन्द्र निउरेको धौलागिरी अञ्चल अस्पतालमा उपचार भइरहेको छ ।

प्रतिक्रिया
सम्बन्धित खवर

दक्षिणी धादिङको ताल्तीस्थित हुरेमा सोमबार एक पुरुषले श्रीमतीको हत्या गरेर आफूले समेत आत्महत्या गरेका छन् । बेनिघाटरोराङ गाउँपालिका–२ ताल्तीस्थित हुरेका

पाल्पा । सिद्धार्थ राजमार्ग अन्तरगत सिद्धबाबा नजिकै गुडिरहेको जिपमा खसेको ढुङ्गाले च्यापेर एक जनाको मृत्यु भएको छ । मृत्यु हुनेमा

मेलम्ची खोलामा आएको निरन्तरको बाढीले सोमबार राति मेलम्ची–११ का सात घर बगाएको छ । गत असार १ गतेको बाढीले कटान

जनकपुरधाम । महोत्तरीको लोहरपट्टी नगरपालिका ७ भ्रमरपुराकी २६ वर्षीया सुजिता ठाकुर हत्या मुद्दामा उनका बुबासहित थप तीनजनालाई प्रहरीले पक्राउ गरेको