सेना समायोजन विशेष समितिको बैठक आज बस्दै

५ बैशाख २०६९, मंगलवार १०:४८ मा प्रकाशित

काठमाडौ, ५ बैशाख । माओवादी लडाकु समायोजनको बारेमा छलफल गर्न लडाकु रेखदेख, समायोजन तथा पुनस्थापना विशेष समितिको बैठक आज बस्दैछ । विशेष समितिको कार्यालय नयाँवानेश्वरमा साँझ पाँच बजेपछि सुरु हुने बैठकमा माओवादी लडाकुलाई नेपाली सेनाको मातहतमा गठनहुने महानिर्देशनालयमा सहभागी गराउने प्रक्रिया तथा पूर्वतयारीको बारेमा छलफल हुनेछ । बैठकमा दोस्रो पटक सुरु गरिएको पुनर्वर्गीकरणको काम र लडाकुहरुको स्वेच्छिक अवकासप्रतिको आकर्षणको बारेमा पनि छलफल हुने बताइएको छ । नेपाली सेनाको मातहतमा गठनहुने महानिर्देशनालयको स्वरुपको बारेमा आज मुख्य छलफल हुने विशेष समितिका एक सदस्यले जानकारी दिए । गएको शनिवार बसेको विशेष समितिको बैठकले समायोजनमा जाने लडाकुले पाउने दर्जा, छनौट प्रक्रिया, विधि, मापदण्ड लगायतका विवादित बुँदामा सहमतिगर्दै ७ बुँदे सहमति जुटाएको थियो । दलहरुबीच लडाकु समायोजनबारे सहमति भए पनि शिविरमा रहेका लडाकुहरुको  भने समायोजनभन्दा पनि स्वच्छिक अवकाशप्रतिको आकर्षण बढेको छ ।

प्रतिक्रिया
सम्बन्धित खवर

काठमाडौँ । नेपालमा पछिल्लो चौबीस घण्टामा थप ३ हजार ३८३ जनामा कोरोना संक्रमण पुष्टि भएको छ। स्वास्थ्य मन्त्रालयका अनुसार १०

काठमाडौं । सरकारले नेपाल विद्युत् प्राधिकरणको कार्याकारी निर्देशकमा कुलमान घिसिङलाई फेरि ल्याउने तयारी गरेको छ । पछिल्लो समय विद्युत आपुर्तिमा

काठमाडौं । निर्वाचन आयोगले विभिन्न ४१ वटा राजनीतिक दलको दर्ता खारेज गरेको छ । आयोगले खारेज भएका प्रत्येक राजनीतिक दललाई

रुपन्देही । लुम्बिनी प्रदेशमा विपक्षी गठबन्धनले मुख्यमन्त्री शंकर पोखरेलविरुद्ध अविश्वासको प्रस्ताव दर्ता गरेको छ । विपक्षी नेपाली कांग्रेस, माओवादी केन्द्र,