रेडिङमा नेपाली नयां बर्ष भव्य रुपमा सम्पन्न

४ बैशाख २०६९, सोमबार २२:०६ मा प्रकाशित

धर्मराज अधिकारी, बेलायत । बेलायतको रेडिङ क्षेत्रमा बस्ने नेपालीहरुले नयां बर्ष २०६९ विभिन्न सांस्कृतिक कार्यक्रमका साथ मनाएका छन । ग्रेटर रेडिङ नेपलिज कम्युनिटि एशोसियसनको आयोजनामा रेडिङवासी नेपालीहरुले नयां बर्ष गित, संगित तथा नाचमा झुम्दै मनाए ।
कार्यक्रममा अध्यक्ष्ा महेश गुरुङले स्वदेशबाट आफ्नो अधिकार रक्षाको लागि बेलायत आएका गोर्खा भेटेरानहरुप्रति आभार प्रकट गर्दै उनीहरुको दुखमा संस्थाले सधैं साथ दिने बताए । उनीहरुप्रति ईंगित गर्दै अध्यक्ष गुरुङले गोर्खाली परिवारको सहयोग गर्नु संस्थाको कर्तव्य र दायीत्व भएको स्मरण गरे । नेपालीहरुलाई असजिलो पर्दा समाज अगाडी हुने उनको भनाइ थियो । साथै अध्यक्ष गुरुङले आगामी साधारणसभामा संस्थाको सदस्यता लिन पनि सम्पुर्ण रेडिङवासी नेपालीहरुलाई आग्रह गरेका थिए ।
रेडिङ काउन्सीलकी मेयर डेबोरा एडवार्डस्ले काउन्सील नेपाली समाजको सहयोगका लागि सधै तत्पर रहेको बताइन । उनले नेपाली नयां बर्षको अवसरमा सहभागि हुन पाउंदा खुशी लागेको बताउंदै समाजसंगै हातेमालो गर्दै जाने प्रष्ट पारीन । आउंदा दिनमा समाजलाई के कस्तो सहयोग गर्न सकिन्छ भन्नेबारे छिट्टै छलफल गर्न काउन्सीलले बैठक डाक्ने समेत उनले बताइन ।
महासचिव नारद भण्डारीबाट सञ्चालित कार्यक्रममा संयोजक किर्तिविलास पन्तले नेपाली नयां बर्षको उपलक्ष्यमा सहभागि सबैलाई शुभकामना सहित धन्यबाद दिएका थिए ।
सो अवसरमा प्रोजेक्ट कोअर्डिनेटर डा.नविन आचार्यले समाजलाई रेडिङ काउन्सीलबाट प्राप्त सहयोग गोर्खा परिवारको लागि उपयोगी भएको बताए । प्राप्त रकम सामाजिक कार्यमा खर्च भएको बताउंदै उनले आगामी दिनमा काउन्सीलको सहयोग अझै बढ्ने विश्वास लिए ।
नेपाली नयां बर्ष मनाउन मेयर डेबोरा एडवार्डस्, काउन्सीलर रब हृवाइट, रचेल मोर्गान, र्फगटन गोर्खाका पिटर बियर्ड, पिटर बर्केन्सेल, एन आर एन युकेका आइसीसी सदस्य विश्व आदर्श पण्डित, सदस्य रमेश शर्मा वास्तोला, समाजसेवी डा चन्द्र बहादुर, चन्द्र बहादुर पुन, सम्साराका राजाराम गिरी, लगायत रेडिङस्थित विभिन्न नेपाली संस्थाका प्रतिनिधीहरुको सहभागिता रहेको थियो । सहभागि अतिथिहरुलाई अध्यक्ष महेश गुरुङले खादा लगाई सम्मान गरेका थिए ।
कार्यक्रममा रेडिङ युनिभर्सिटीबाट डक्टरेट डिग्री प्राप्त गरेका हरी तिम्सीनालाई समाजको तर्फबाट अध्यक्ष महेश गुरुङले विशेष सम्मान गरे ।
कार्यक्रमको दोश्रो भागमा विशेष सांस्कृतिक कार्यक्रम आयोजना गरीएको थियो । सांस्कृतिक कार्यक्रममा चर्चित स्थानीय कलाकारसंगै नेपालबाट आएका गायक हिमाल सागरले पनि गित गाए । कलाकारहरु निमु सिंह, राजु गुरुङ, सुर्य पुर्जा, रश्मी पोखरेल, बद्री केसी, भिम निरौला, शुभ्रा थापा, सरीता गुरुङ लगायतले विभिन्न गित तथा नृत्य प्रश्तुत गरेका थिए । कोषाध्यक्ष भिमसेन खड्काद्धारा सञ्चालित सांस्कृतिक कार्यक्रमको अन्त्यमा राती अबेर सम्म डिजे चलेको थियो ।

प्रतिक्रिया
सम्बन्धित खवर

न्यूयोर्क । न्युयोर्क राज्य संसदमा नेपाली मूलकी सराहना श्रेष्ठले उम्मेदवारी घोषणा गरेकी छिन् । सराहनाले न्युयोर्क राज्य संसदको तल्लो सदनमा

अमेरिका। अमेरिकाको मेरिल्याण्डमा अवस्थित मोर्गन स्टेट युनिभर्सिटीमा कार्यरत एक नेपाली मूलका प्राध्यापकले सो विश्वविद्यालयले प्रदान गर्ने रिसर्च एण्ड स्कलरसिप अवार्ड

न्युयोर्क। पत्रकारितामार्फत मानवताका क्षेत्रमा असाधारण सेवा गरेवापत न्युयोर्क निवासी पत्रकार किशोर पन्थीलाई अमेरिकाको विश्वविद्यालयले मानार्थ पीएचडी अर्थात् डाक्टर अफ फिलोसोफीबाट

काठमाडौं । न्यूयोर्क राज्य संसदको चुनावमा पहिलो पटक नेपाली मूलकी एक युवती सांसद बन्ने सम्भावना बढेको छ । नेपाली मुलकी