बैद्यपक्षीय लडाकु द्वारा माओबादी पार्टी कार्यालयमा धर्ना

काठमाडौ ४ वैशाख । माओबादी मुख्यालय पेरिसडाडामा धर्ना दिएर बसेका बैद्यपक्षधर बर्हिगमीत लडाकुहरुले आज पनि धर्नालाई निरन्तरता दिएका छन ।
आफुहरुका मागप्रति पार्टीले ठोस निर्णय नगरे सम्म धर्ना नछाड्ने उनीहरुले चेतावनी दिएका छन ।
अनमिनले गरेको पुर्नबर्गिकरणको अवस्थामा तीनीहरुलाई अयोग्य भन्दै शिबिरबाट बहिर पठाईएको थियो ।
पछिल्लो लडाकु समायोजन बिशेष समितिमा भएको सहमति अनुसार स्वैक्षिक अवकास गएका लडाकु सरह आफुहरुले पनि सुबिधा पाउनु पर्ने माग उनिहरुको छ । पार्टीले सहयोग उपलब्द गराउनु पर्ने माग राख्दै संर्घषमा उत्रिएपछि पार्टीले सहयोग दिने आस्वासन दिएको थियो ।
तर,पार्टी नेतृत्वले आश्वासन दिएर सुबिधा नदिएपछि हिजो देखि उनिहरु पार्टी कार्यालयमा पुनः धर्ना दिएर बसेका छन ।
पहिले भएको सहमति अनुसार पार्टीको संस्थापन पक्षले शिर्ष नेताका आफन्तहरुलाई भने रकम दिएको आरोप संघर्ष समितिका उपाध्यक्ष राजु गहतराजले लगाएका छन ।
पाटीले आपूmहरुलाई विभेद गरेका कारण आन्दोलनमा उत्रनु परेको भन्दै गहतराजले माग पुरा गर्नका लागि माओवादीका शीर्ष नेताहरुसंग पटक पटक वार्ता र छलफल भएपनि समस्याको समाधान गर्ने पहल नभएका कारण धर्ना दिनु परेको वताए । धर्ना दिएका ३ सय भन्दा बढि लडाकुले पार्टीकार्यालयमै रात बिताएका छन ।