स्वेच्छिक अवकास रोज्ने लडाकुको सङ्ख्या ४ हजार

४ बैशाख २०६९, सोमबार १०:४० मा प्रकाशित

काठमाडौ, ४ बैशाख । दोस्रो पटक सुरु गरिएको माओवादी लडाकु पुनर्वर्गीकरणको तेस्रो दिनसम्ममा स्वेच्छिक अवकाश रोज्ने लडाकुहरुको सङ्ख्या ४ हजार २ सय ६८ पुगेको छ । दलहरु शान्ति प्रक्रियाको विवादित विषयमा सहमति गरेर संविधान निर्माणको काममा लागिपरेको बेला लडाकुहरुले भने आफूहरुलाई अमान्य हुने निर्णय नेताहरुले गरेकोले अवकाश रोज्नुपरेको बताउने गरेका छन् । अबको १÷२ दिनमै पुनर्वर्गीकरणको काम सक्ने योजनामा रहेको लडाकु रेखदेख, समयोजन तथा पुनस्थापना विशेष समिति मातहतको सचिवालयले आज केही शिविरमा पुनवर्गीकरणको काम सकिने बताएको छ । दोस्रो चरणको लडाकु पुनर्वर्गीकरणको काम आज चौथो दिन पनि जारी छ । लडाकुको ७ मुख्य शिविरमा पुगेको विशेष समिति मातहतको सचिवालयको टोलीले पुनर्वर्गीकरणको कामलाई जारी राखेको सचिवालय संयोजक बालानन्द शर्माले जानकारी दिनुभयो । गएको चैत मसान्तसम्ममा पुनर्वर्गीकरणको काम सकेर समायोजन रोज्ने लडाकु, हतियार नेपाली सेनाको जिम्मा लगाउने सहमति भए पनि केन्द्रको निर्देशन नआएको भन्दै लडाकुको असहमतिका कारण वर्गीकरणको काम ढिलो सुरु भएको हो । अधिकांश लडाकुले अवकाश रोजेपछि समायोजनमा जाने लडाकुको सङ्ख्या भने पूर्व सहमतिमा उल्लेख भएभन्दा थोरै हुने भएको छ । दलहरुबीच कात्तिक १५ मा भएको ७ बुँदे सहमतिमा साढे ६ हजार माओवादी लडाकुलाई नेपाली सेनाको मातहतमा बन्ने महानिर्देशनालयमा समायोजन गर्ने उल्लेख छ ।

प्रतिक्रिया
सम्बन्धित खवर

निर्वाचन आयोगले मंसिर २ गते संघीय तथा प्रदेश प्रतिनिधिसभाको निर्वाचन गर्न सरकारलाई सुझाव दिने भएको छ । आयोग स्रोतकाअनुसार बुधबार

काठमाडौँ ।सरकारले प्रतिनिधिसभामा रहेको नागरिकता विधेयक फिर्ता लिने निर्णय गरेको छ । मन्त्रिपरिषद्को मंगलबार बसेको बेठकले नागरिकता विधेयक फिर्ता लिने

काठमाडौं। नेपाली कांग्रेसबाट सरकारमा प्रतिनिधित्व गर्ने मन्त्रीहरुले अर्थमन्त्री जनार्दन शर्माको राजीनामा मागेका छन्। मंगलबार दिउँसो प्रधानमन्त्री तथा मन्त्रिपरिषद्‌को कार्यालयमा बसेको

काठमाडौं । सत्तारुढ दल नेपाली कांग्रेसको पदाधिकारी बैठक सकिएकाे छ । पार्टी कार्यालय सानेपामा मंगलबार बसेकाे बैठक चुनावी रणनीति र

आजको प्रमुख समाचार