नेपालले सिङ्गापुरको सामना गर्ने

२० मंसिर २०७०, बिहीबार २२:०५ मा प्रकाशित

काठमाडौँ, २० मङ्सिर । जर्नी टु वल्र्डकप एक दिवसीय क्रिकेट प्रतियोगितामा नेपालले सिङ्गापुरको राष्ट्रिय क्रिकेट टिमसँग शुक्रबार प्रतिस्पर्धा गर्ने भएको छ । कीर्तिपुरस्थित त्रिवि मैदानमा हुने सो प्रतियोगिता सोमबारदेखि भइरहेको छ । यसअघि भएको खेलमा नेपालले एक खेल जितेको छ भने एक खेलमा हार बेहोरेको छ । नेपालले भारतको एयर इन्डिया क्लबलाई ५ विकेटले हराएको थियो भने दिल्ली वाण्डरसर्स क्लबसँग २४ रनले पराजित थियो । नेपाल क्रिकेट सङ्घ (क्यान) को प्राविधिक सहयोगमा जोरा इन्टरनेसनलले आयोजना गरेको सो प्रतियोगिता आगामी पुस महिनामा न्युजिल्याण्डमा हुने एक दिवसीय विश्वकप क्रिकेट छनोट अभ्यासका लागि आयोजना गरिएको हो । आगामी पुस २९ देखि माघ १८ गतेसम्म चल्ने उक्त एकदिवसीय विश्वकप क्रिकेट छनोट प्रतियोगितामा नेपाल समूह ‘ए’ परिसकेको छ । समूह ‘ए’ मा नेपालसगै संयुक्त अरब इमिरेट्स (युएई), स्कटल्यान्ड, हङ्कङ र क्यानडा रहेका छन् भने समूह ‘बी’ मा नेदरल्यान्ड, केन्या, नामिविया, पपुवा न्यूगिनी र युगान्डा रहेका छन् । दुवै समूहका उत्कृष्ट तीन भित्र पर्ने टोली सुपर सिक्समा छानिने छन् भने त्यसमध्ये शीर्ष दुई टिम फाइनलमा प्रवेश गर्नुका साथै २०१५ मा हुने एकदिवसीय विश्व क्रिकेट प्रतियोगितामा छनोट हुने मौका पाउनेछन् ।

प्रतिक्रिया
सम्बन्धित खवर

काठमाडौं । त्रिकोणात्मक टी–२० सिरिज अन्तर्गत नेपालले विजयी सुरुवात गरेको छ । आज भएको उद्घाटन खेलमा नेपालले नेदरल्यान्ड्सलाई ९ विकेटले

काठमाडौं । इन्डियन प्रिमियर लिग (आइपिएल) टी-२० क्रिकेट अन्तर्गत चेन्नइ सुपर किङ्स विजयी भएको छ । प्रतियोगितामा पहिलो जित हासिल

नेपाल, मलेसिया र नेदरल्यान्ड्सबीच हुने त्रिकोणात्मक टि–२० क्रिकेट सिरिजको ट्रफी सार्वजनिक गरिएको छ । नेपाल क्रिकेट संघ (क्यान) ले पत्रकार

नयाँ दिल्ली । गएराति सम्पन्न आईपीएल २०२१ को सातौं खेलमा राजस्थान रोयल्सले दिल्ली क्यापिटल्समाथि ३ विकेटको जित निकाल्दै अंक तालिकामा