गैरआवासीय नेपालीलाई मताधिकारबारे निर्वाचन आयोगको समिति गठन

४ बैशाख २०६९, सोमबार ०१:५९ मा प्रकाशित

काठमाडौ, ४ बैशाख । गैरआवासीय नेपालीलाई मतादिने अधिकारबारे सम्भाव्यता अध्ययन गर्न निर्वाचन आयोगले समिति गठन गरेको छ । गैरआवासीय नेपालीहरूलाई पनि मताधिकार दिइनुपर्ने माग बढिरहेको बेला निर्वाचन आयोगले सम्भाव्यता अध्ययन समिति बनाएको हो ।

निर्वाचन आयोगका सचिव शंकर कोइरालाको संयोजकत्वमा गठित सात सदस्यीय समितिमा गैरआवासीय नेपाली संघका अध्यक्ष जीवा लामिछाने, अर्थ मन्त्रालयका सहसचिव राजन खनाल, गृहका भोला शिवाकोटी, परराष्ट्रका अर्जुनबहादुर थापा, कानुनका राजुमानसिंह मल्ल सदस्य र आयोगका सहसचिव शारदाप्रसाद त्रिताल सदस्यसचिव रहेका छन् । निर्वाचन आयोगले समितिलाई गैरआवासीय नेपालीलाई मतादिने अधिकारबारे सम्भाव्यता अध्ययन गरी सिफारिस र त्यसको कार्यान्वयनका लागि कार्ययोजना प्रस्ताव गर्न निर्देशन दिएको छ । समितिले मतदान तथा मताधिकारसम्बन्धी नेपालको वर्तमान अवस्था, अन्य मुलुकहरूमा गैरआवासीय नागरिकलाई प्रदान गरिएको मताधिकार प्रकृति, आवश्यक नीतिगत तथा कानुनी व्यवस्थाबारे प्रतिवेदन तयार पार्नुपर्ने आयोगले जनाएको छ ।

प्रतिक्रिया
सम्बन्धित खवर

काठमाडौं । पछिल्लो २४ घण्टामा नेपालमा थप २,५६८ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका

काठमाडौं- सरकारले दार्चुलाका जयसिंह धामी तुइनबाट महाकाली तर्ने क्रममा भारतीय सीमा सुरक्षाबलका जवानले तुइन काटेको भनिएको घटनाबारे छानबिन गर्न पाँच

नेकपा (एमाले) को आज बसेको स्थायी कमिटी बैठकले आगामी भदौ २७ र २८ गते काठमाडौँमा पार्टीको विधान महाधिवेशन आयोजना गर्ने

काठमाडौँ । पछिल्ला केही वर्षयता मनसुनजन्यसहित विपद्का घटना बढ्दो छ । एक दशकको तथ्याङ्क हेर्दा विसं २०७२ सम्म विपद्का दुई