असनाको काठसहित दुई ट्याक्टर पक्राउ

कोहलपुर, ३ बैशाख । ईलाका वन कार्यलय कोहलपुरले असनाको काठ सहित २ ओटा ट्याक्टर पक्राउ गरेको छ ।  बानियाभारमा रहेको नवप्रतिभा सामुदायिक वनबाट ल्याईएको काठ भनिए पनि उक्त काठ अबैध भएको ईलाका वन कार्यलय कोहलपुरका फोरेष्टर दिप बहादुर शाहिले बताउनुभयो । २ ओटा ट्याक्टरमा २ ओटा गोलिया सहित उक्त काठ बरामत गरिएको उहाँको भनाई छ। भे १ त १९३९ नम्बरको ट्याक्टरबाट ७५ क्युफिटको असनाको  १ थान गोलीया र  लु १ त ३५१२ नमबरको ट्याक्टरबाट ९८दशमलव ३१ क्युफिटको १ थान असनाको गोलिया सहित ३ जनालाई पक्राऊ गरिएको ईलाका वन कार्यलय कोहलपुरले जनाएको छ।  पक्राउ पर्नेहरुमा ट्याक्टर चालक कोहलपुर रझेनाका अर्जुन थारु, करण चौधरी र मोहन चौधरीलाई जिल्ला वन कार्यलय नेपालगञ्जमा राखिएको छ भने ट्याक्टर र काठलाई ईलाका वन कार्यलय कोहलपुरमा राखिएको  ईलाका वन कार्यलय कोहलपुरका अर्का फोरेष्टर मान बहादुर थापाले बताउनुभयो।