छोटी भन्सार सञ्चालनमा नआउँदा राजश्व गुम्दै

३ बैशाख २०६९, आईतवार ११:४५ मा प्रकाशित

रौतहट, ३ बैशाख । माओवादी जनयुद्धका बेला कर्मचारी हटाएका कारण ती छोटी भन्सार कार्यालय रहेका भवनहरु समेत जिर्ण बन्दै गएका छन् । भारतको बिहार राज्यसंग सिमा जोडिएको रौतहटको बंकुल बजारमा रहेको छोटी भन्सार कार्यालय संचालनमा आउन नसक्दा सरकारको लाखांै राजश्व गुमेको छ । माओवादी युद्धका बेला हटाईएको सो भन्सार कार्यालय पुनःस्थापना नहँुदा सो नाका भएर दैनिक ठुलो परिणाममा भरतीय सामानहरु सहजै रौतहट छिर्ने गरेको स्थानीय बासिन्दाले बताएका छन् । गौर नाका भएर रौतहट छिर्दा भारतीय गाडीले भन्सार काट्नु पर्ने भएपछि रौतहट जिल्लाका बिभिन्न स्थानमा भाडामा चल्ने भारतीय नम्बरका गाडीहरु समेत सोही नाका भएर रौतहका ग्रामीण भेगमा छिर्ने गरेको स्थानीय बासिन्दा आदर्श उपाध्यायले जानकारी दिनु भयो । छोटी भन्सारमा कर्मचारी नबसेका कारण सो नाका भएर चामल, मलखाद, गाडीका पार्ट्स सहजै भन्सार नतिरी रौतहटका बजारमा आइपुग्ने  गरेको छ । रौतहटमा पर्ने एक दर्जन छोटी भन्सारबाट माओवादी जनयुद्धका बेला कर्मचारी हटाएका कारण ती छोटी भन्सार कार्यालय रहेका भवनहरु समेत जिर्ण बन्दै गएका छन् । गौर भन्सार कार्यालयले ती स्थानमा कार्यालय पुन स्थापना गर्नका लागि मन्त्री स्तरीय निर्णय हुने पर्ने र त्यसका लागि आफुहरुले लेखेर पठाएको जानकारी दिएको
छ । यता, भारतबाट ठूलो परिणाममा भन्सार छलेर सुर्ती आयात गर्दा नेपाल सरकारले
दैनिक ठुलो परिणाममा राजश्व गुमाउदै आएको छ ।

प्रतिक्रिया
सम्बन्धित खवर

चितवन- नयाँ पर्यटकीय गन्तव्यका रूपमा चिनिएको सिन्ती झरना आन्तरिक पर्यटकीय गन्तव्य बन्दै गइरहेको छ । चितवनको कालिका नगरपालिका-९ मा रहेको

काठमाडौं । राष्ट्रियसभाको प्रत्यायोजित व्यवस्थापन तथा सरकारी आश्वासन समितिले रोजगार अनुमति प्रणाली (इपिएस)अन्तर्गत भाषा र सीप परीक्षा उत्तीर्ण युवाहरु डेढ

काठमाडौं । नेपालमा प्रायः सबै उपभोग्य सामग्रीको बजार मूल्यमा एकरुपता पाइँदैन । नियमित बजार अनुगमन नहुँदा भान्सामा नभइ नहुने चिनीको

काठमाडौँ। नेपालको ऊर्जा क्षेत्रको विकासका लागि एकपछि अर्को लगानी गर्दै आएको कर्मचारी सञ्चयकोषले तामाकोशी पाँचौँमा १२ अर्ब रुपैयाँ ऋण उपलब्ध