गाँठो बाँधेर राख्नुहोस जेठ १४ अघि कांगे्रस नेतृत्वको सरकार

३ बैशाख २०६९, आईतवार ११:२५ मा प्रकाशित

डा. मिनेन्द्र रिजाल, केन्द्रीय सदस्य नेपाली कांगे्रस
० समायोजन प्रकृया सबैमा सहमति बनेको हो ?
– सहमति भयो, स्वेक्षिक अवकासको प्रकृया सुरु भइसकेको छ । त्यो आजभोलिमै सकिन्छ । पर्सीदेखि विशेष समितिले तोकेको स्थानमा लडाकूहरुलाई पठाएर समायोजनको प्रकृया आरम्भ गर्न सकिन्छ ।
० यो प्रकृया कहिलेसम्म सकिएला ?
– समायोजनमा जान चाहनेको छनोट प्रकृया आरम्भ हुन्छ । चार हजार भयो भने उनीहरुलाई अन्तर्वार्ता लिएर पद निर्धारण गर्ने कुरा हो । त्यत्तातिर हामीले ध्यान दिनु पर्दैन । नेपाली सेना, लोक सेवा आयोगका अध्यक्षले तोकेको सदस्य भनेको छ, अथवा अन्य दर्जाका लागि नेपाली सेनाको तृतीय श्रेणीको अधिकृत भनिएको छ । कुनै समस्या आयो भने त्यसलाई मिलाउन सामान्य निर्णय गर्नुपर्ला । संख्या निधारण भइसकेपछि केही निर्णय गर्नुपर्ने आवश्यकता पर्ला ।
० महानिर्देशनालयको अन्तिम निर्णय कहिलेसम्म गर्नुहुन्छ ?
– आज र भोलिसम्ममा स्वच्छिक अवकासको काम सकिएला । जति चाडो लडाकूलाई समायोजन केन्द्रमा पु¥याउन सकिन्छ, त्यत्ति चाँडो काम सुरु गरे हुन्छ ।
० नेपाली राजनीतिमा बे्रकथ्रु भयो ?
– संघीय गणतान्त्रिक संविधान लेख्नलाई हामीसँग अब ४० दिनजति बाँकी छ । त्यो काममा पूरै ध्यान लगाउन पाइयो ।
० संविधान लेखनका लागि के के गर्दै हुनुहुन्छ ?
– काम पहिलेदेखि पनि भइरहेकै हो । केही विषयमा विवाद छन्, ती विवाद निरुपण गर्ने काम आजैदेखि सुरु हुन्छ ।
० शान्ति प्रकृया अघि बढेपछि कुनै विषयमा विवाद छैन हो ?
– केही विषयमा मतभेद बाँकी छ । यति कम समय बाँकी रहँदा हामी विवाद निरुपण गर्न सक्छौं भन्ने विश्वास छ ।
० शीर्ष नेताको गोप्यवास आजदेखि अरे नि हो ?
– गोप्य कुरोको जवाफ दिन मिलेन ।
० डा. भट्टराईको नेतृत्वमा कांगे्रस सरकारमा जाने भयो ?
– त्यो निर्णय भइसकेको छैन । त्यो सम्भावनालाई अस्वीकार गर्न सकिन्न ।
० कांगे्रस कहिलेसम्म सरकारमा जान्छ ?
– त्यो थाहा छैन, पार्टीले निर्णय गरेको छैन । तर मैले त्यो सम्भावनालाई अस्वीकार गर्न सकिन्न मात्र भनेको हुँ । एउटा कुरा पक्का के हो भने जेठ १४ भन्दा अघि नै नेपाली कांगे्रसको नेतृत्वमा सरकार बन्छ ।
० डा भट्टराईको नेतृत्वको सरकारमा गएपछि फेरि कांगे्रसको नेतृत्वमा कसरी अर्को सरकार बन्छ ?
– नेपाली कांगे्रसको नेतृत्वमा रहेको राष्ट्रिय सरकारले गर्छ । यस विषयमा कुनै विवाद छैन । गाँठो बाँधेर राख्नुहोस् नेपाली कांगे्रसको नेतृत्वको सरकारले संविधान जारी गर्छ ।
० डा. भट्टराईको सरकारमा एमाले नजाने अरे नि ?
– हामी दुई कुराको सीमामा बाँधिएका छौं । नेपाली कांगे्रसको नेतृत्वमा राष्ट्रिय सरकार बन्नुपर्छ, जसलाई हामी छोड्न सक्दैनौं । दोस्रो कुरा शान्ति प्रकृया उल्टिन नसक्ने ठाउँमा पुगेपछि माओवादी नेतृत्व हामीलाई स्वीकार हुनसक्छ भनेर हामीले विगत दुई वर्षअघिदेखि भन्दै आएका हौं । यी दुई कुराको बीचमा हामीले सन्तुलन खोजी गर्नुपर्छ ।
० कांगे्रसबाट कसले नेतृत्व गर्छ ?
– त्यसबारेमा विवाद खोज्नु उचित हुन्न । त्यसबारे पार्टीले सहजरुपमा निरुपण गर्छ । तीनजना पार्टीका नेता हुनुहुन्छ, उहाँहरुले नै समाधान निकाल्नुहुन्छ ।

प्रतिक्रिया
सम्बन्धित खवर

आगामी सङ्‍घीय र प्रदेश संसद्को निर्वाचनमा पाँच दलीय गठबन्धनबीच तालमेल हुनेमा शंका उत्पन्‍न हुनेगरी शीर्ष नेताहरूले नै अभिव्यक्ति दिइरहेका छन् । स्थानीय

हालै सम्पन्न स्थानीय तह निर्वाचनमा ७५३ मध्ये सबैभन्दा बढी चर्चामा रहेको भरतपुर महानगरपालिकामा अन्ततः गठबन्धनको तर्फबाट नेकपा माओवादी केन्द्रबाट प्रमुखको

वैशाख ३० गते सम्पन्न स्थानीय तह सदस्य निर्वाचनमा पोखरा महानगरपालिकाको प्रमुखमा सत्ता गठबन्धनबाट नेकपा(एकीकृत समाजवादी)का धनराज आचार्य निर्वाचित हुनुभयो ।

काठमाडौं । पूर्वउपप्रधान तथा परराष्ट्रमन्त्री एवं नेपाली कांग्रेसकी नेतृ सुजाता कोइरालाले मुलुकमा विकास निर्माण लक्षित कामलाई प्राथमिकतामा राख्नुपर्नेमा जोड दिएकी