माओवादी लडाकुको पुनवर्गीकरणको काम आज पनि जारी

३ बैशाख २०६९, आईतवार ०८:५६ मा प्रकाशित

काठमाडौ, ३ बैशाख । माओवादी लडाकुलाई नेपाली सेनामा समायोजन गर्ने प्रक्रिया अन्तर्गत दोस्रो चरणको लडाकु पुनवर्गीकरणको काम आज पनि जारी छ । लडाकुको ७ मुख्य शिविरमा पुगेको विशेष समिति मातहतको सचिवालयको टोलीले आज तेस्रो दिन पनि पुनर्वर्गीकरणको कामलाई जारी राखेको सचिवालय संयोजक बालानन्द शर्माले जानकारी दिनुभयो । संयोजक शर्माका अनुसार अबको करिब दुई दिनमा पुनर्वर्गीकरण सक्ने गरी काम भइरहेको छ । गएको चैत मसान्तसम्ममा पुनर्वर्गीकरणको काम सकेर समायोजन रोज्ने लडाकु, हतियार नेपाली सेनाको जिम्मा लगाउने सहमति भए पनि केन्द्रको निर्देशन नआएको भन्दै लडाकुको असहमतिका कारण वर्गीकरणको काम ढिलो सुरु भएको हो । हिजोसम्ममा झन्डै २४ सय लडाकुले स्वेच्छिक अवकाश रोजेको सचिवालयले जनाएको छ । दलहरुबीचको सहमति चित्त बुझ्दो नभएको भन्दै अधिकांश लडाकुले अवकाश रोजेपछि समायोजनमा जाने लडाकुको सङ्ख्या भने पूर्व सहमतिमा उल्लेख भएभन्दा थोरै हुने भएको छ । दलहरुबीच कात्तिक १५ मा भएको ७ बुँदे सहमतिमा साढे ६ हजार माओवादी लडाकुलाई नेपाली सेनाको मातहतमा बन्ने महानिर्देशनालयमा समायोजन गर्ने उल्लेख छ । विशेष समिति मातहतको सचिवालय संयोजक बालानन्द शर्माअनुसार करिब ५ हजार लडाकुले समायोजन रोज्ने संभावना छ ।

प्रतिक्रिया
सम्बन्धित खवर

काठमाडौं । दार्चुलाको महाकाली नदीमा व्यास गाउँपालिका–२ का जयसिंह धामी बेपत्ता भएको घटनालाई लिएर युवा संघले काठमाडौंस्थित भारतीय राजदूतावासको कार्यालय

काठमाडौं । सरकारले कोभिड युनिफाइड केन्द्रीय अस्पताल(वीर)को प्रमुख प्रशासकीय अधिकारी प्रा.डा. जागेश्वर गौतमलाई हटाएको छ। स्वास्थ्य मन्त्रालयले सोमबार राज्यमन्त्रीस्तरीय निर्णय

काठमाडौं । मन्त्रिपरिषद् विस्तार र सरकारका न्युनतम साझा कार्यक्रम तय गर्न आज सत्ता गठबन्धनका शीर्ष नेताबीच छलफल हुँदैछ । नेकपा

कैलालीकी रुपकला विक बैंकमा कार्यरत कर्मचारी हुनुहुन्छ । उहाँको चार महिनाको बच्चा छ । सुत्केरी भएको दुई महिना बिदा सकेर