सरकारले आजदेखि देशव्यापी विद्यालय स्वागत एवम् भर्ना अभियान सुरु गर्र्दै

३ बैशाख २०६९, आईतवार ०८:५५ मा प्रकाशित

काठमाडौ, ३ बैशाख । नेपाल सरकारले शैक्षिक सत्र २०६९ का लागि आजबाट देशव्यापी रूपमा विद्यालय स्वागत तथा भर्ना अभियान कार्यक्रम सुरु गर्ने भएको छ । “नानीबाबु रमाई रमाई स्कुल आऊ, पढी सिकि सधै भरी खुसीले रमाऊ” भन्ने नाराका साथ थालिएको अभियान वैशाख ३० गतेसम्म चल्ने शिक्षा मन्त्रालयले जनाएको छ । वैशाख १ गतेदेखि नै अभियान सुरु हुनुपर्ने भएता पनि सरकारी दुई दिन सार्वजनिक बिदा परेकाले आजबाट १५ गतेसम्म पहिलो चरणको भर्ना अन्तर्गत मुस्कानसहितको फूल र अविरले स्थानीय संस्कृतिअनुसार बालबालिकाहरुलाई विद्यालयमा स्वागत गरिने शिक्षा मन्त्रालयका प्रवक्ता जर्नादन नेपालले जानकारी दिनुभयो ।  त्यस्तै १५ गतेदेखि ३० गतेसम्म विद्यालयमा बालबालिका भर्ना नभएका क्षेत्र तथा घरपरिवार पत्ता लगाउने, बीचैमा पढाइ छाडेका बालबालिकाहरुलाई सामुदायिक, खुल्ला वा वैकल्पिक विद्यालयहरुमा भर्ना गराउन घरदैलो कार्यक्रम गर्ने प्रवक्ता नेपालले बताउनुभयो । यसैबीच शिक्षा विभागले यो वर्ष राष्ट्रिय औसतभन्दा खुद भर्ना दर कम भएका २५ वटा जिल्लामा विशेष कार्यक्रम लागू गर्ने भएको छ ।

प्रतिक्रिया
सम्बन्धित खवर

काठमाडौं । ९ वैशाख ०७८ मा सर्वोच्च अदालतले आफैँ नगद दिएर रंगेहात घुसको मुद्दा दर्ता नगराउन आदेशपछि निष्क्रिय जस्तै छ

काठमाडौं । पछिल्लो २४ घण्टामा नेपालमा १ हजार ३३० जनामा कोरोनाभाइरसको संक्रमण पुष्टि भएको छ । स्वास्थ्य तथा मन्त्रालयका अनुसार

गलेश्वर। पहिले पहिले लेकबेँसी, गाउँ–सहर गर्ने बटुवाहरुको थकाइ मेटाउने थलो चौतारीहरु अहिले नासिँदै गएका छन् । गर्मीमा दौँतरीहरु बसेर शीतल

काठमाडौँ ।बजेट मार्फत कालोधनलाई सेतो बनाउने बाटो खोलेको भन्दै तीव्र आलोचना भएपछि अर्थमन्त्रालयले त्यसो गर्न नखोजिएको स्पष्ट पारेको छ। संसदबाट