आज विशेष समितिको बैठक बस्ने, कार्यदलले जुटाएको सहमतिबारे छलफल हुने

२ बैशाख २०६९, शनिबार ०८:५३ मा प्रकाशित

काठमाडौ, २ बैशाख । माओवादी लडाकु रेखदेख, पुनस्र्थापना तथा समायोजन विशेष समितिको बैठक आज बस्दै छ । नयाँ बानेश्वरमा रहेको सचिवालयमा बस्ने बैठकमा समायोजनका विवादित विषयहरूमा सहमति जुटाउन गठन गरिएको कार्यदलले जुटाएको सहमति अनुमोदन गर्नेबारे छलफल हुने भएको छ । कार्यदलको हिजो र अस्ति बसेको बैठकले महानिर्देशनालय गठन, लडाकु छनौट समिति, तालिम र शैक्षिक योग्यता र दर्जा निर्धारणलगायतका विवादित विषयमा सहमति जुटाइसकेको छ । बुधबार बसेको सेना समायोजन विशेष समितिको बैठकले समितिका सदस्यहरू वर्षमान पुन, डा. मिनेन्द्र रिजाल, भीम रावल र जितेन्द्र देव रहनुभएको कार्यदल गठन गरेको थियो ।
यसैबीच विशेष समिति बैठक बस्नुअघि कार्यदलले जुटाएको सहमतिबारे अन्तिम धारणा बनाउन आजै शीर्ष दलका नेताहरूबीच पनि छलफल हुने भएको छ । शीर्ष तहका नेताहरूको बैठकमा विवादित सबै विषयमा टुङगो लगाउन प्रयास गरिने नेताहरूले बताएका छन् । आज बस्ने शीर्ष नेताहरूको बैठकमा कार्यदलका सदस्यहरूले प्रगति विवरण बुझाउने छ । त्यसपछि मुख्य नेताहरूको समेत उपस्थितिमा विशेष समितिको बैठक बस्ने तय भएको छ ।

प्रतिक्रिया
सम्बन्धित खवर

केदार मगर, खोटाङ । साकेला गाउँपालिका–५ मात्तिमविर्तालाई केन्द्रविन्दु बनाएर आइतबार गएको भूकम्पले हालसम्म जिल्लाभर दुई विद्यालय भवन, एक प्रहरी चौकी

म्याग्दी । म्याग्दीका पौढ महिलाहरूले बुढ्यौलीमा माध्यमिक शिक्षा परीक्षा (एसइई) उत्तीर्ण गरेर पढाइलाई उमेरले नछेक्ने भनाइलाई चरितार्थ गर्नुभएको छ ।

नवलपुर । पूर्वपश्चिम राजमार्गअन्तर्गत नवलपरासी (बर्दघाट–सुस्तापूर्व)को दाउन्नेमा यात्रुबाहक बसमा आगलागी हुँदा ३३ यात्रु घाइते भएका छन् । आज बिहान साढे

काठमाडौं । जापानका पूर्वप्रधानमन्त्री सिन्जो आबेमाथि शुक्रबार बिहान नारा सहरमा आक्रमण भएको छ । सभालाई सम्बोधन गर्ने क्रममा उनीमाथि गोली प्रहार