राष्ट्रिय सहमतिको सरकारको नेतृत्व कांग्रेसले गर्ने : महामन्त्री प्रकाशमान सिंह

१ बैशाख २०६९, शुक्रबार २१:३३ मा प्रकाशित

बनेपा, वैशाख १(रासस) । नेपाली कांग्रेसका महामन्त्री प्रकाशमान सिंहले अबको राष्ट्रिय सहमतीय सरकारको नेतृत्व नेपाली काँग्रेसले गर्ने बताएका छन्।आज काभ्रेको बनेपास्थित नेपाली काँग्रेस बनेपा नगर समितिले नयाँ वर्ष शुभारम्भको अवसर पारेर आयोजना गरेको शुभकामना आदानप्रदान तथा चियापान कार्यक्रममा महामन्त्री सिंहले भने- ‘कांग्रेसकै पहलमा जनयुद्धमा होमिएको माओवादीलाई शान्ति प्रक्रियामा ल्याउने काम भएको हो।’
उनले शान्ति प्रक्रिया र संविधानका केही काम गर्न बाँकी रहेको बताउँदै यसलाई निष्कर्षमा पुर्‍याउन काँग्रेसको नेतृत्वमा राष्ट्रिय सरकार बन्ने ठोकुवा गरे।

संविधानसभाको ठूलो दल एनेकपा माओवादीले दुई पटक सरकारको नेतृत्व गरिसकेको र तेस्रो ठूलो दल नेकपा एमाले पनि सरकार सञ्चालन गरिसकेकाले अब काँग्रेसकै नेतृत्वमा सरकार बन्नेमा नेपाली काँग्रेस विश्वस्त रहेको उनले बताए। नेपाली काँग्रेसका युवा नेता गगन थापाले अब बन्ने संविधानमा न्यायालयलाई पारदर्शी बनाउनु पर्ने विचार व्यक्त गरे। कार्यक्रममा नेपाली कांग्रेस काभ्रेका सभापति शिवप्रसाद हुमागार्ई, नगर सभापति राम जोशीलगायतले संविधान र शान्ति प्रक्रियाबारे बोलेका थिए।

प्रतिक्रिया
सम्बन्धित खवर

काठमाडौं । पछिल्लो २४ घण्टामा नेपालमा थप २,५६८ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका

काठमाडौं- सरकारले दार्चुलाका जयसिंह धामी तुइनबाट महाकाली तर्ने क्रममा भारतीय सीमा सुरक्षाबलका जवानले तुइन काटेको भनिएको घटनाबारे छानबिन गर्न पाँच

नेकपा (एमाले) को आज बसेको स्थायी कमिटी बैठकले आगामी भदौ २७ र २८ गते काठमाडौँमा पार्टीको विधान महाधिवेशन आयोजना गर्ने

काठमाडौँ । पछिल्ला केही वर्षयता मनसुनजन्यसहित विपद्का घटना बढ्दो छ । एक दशकको तथ्याङ्क हेर्दा विसं २०७२ सम्म विपद्का दुई