केही प्राविधिक विषय मिलाउन कार्यदलले आज पनि छलफल गर्ने

१ बैशाख २०६९, शुक्रबार ०९:१९ मा प्रकाशित

काठमाडौ, १ बैशाख । माओवादी लडाकुलाई नेपाली सेनामा समायोजन गर्नेबारेमा रहेको विवाद मिलाउनेगरी प्रस्ताव तयार पार्ने जिम्मा पाएको कार्यदलले आज पनि छलफल गर्दैछ । लडाकु समायोजनको बारेमा रहेको विवादका केही प्राविधिक पक्ष मिलाउने बिषयमा केही छलफल गर्न बाँकी रहेकोले आज पनि कार्यदलको बैठक बस्न लागेको कार्यदल सदस्य एमाले नेता भीम रावलले जानकारी दिनुभयो । उहाँका अनुसार आज दिउँसो छलफल गरेर सहमतिको खाका प्रमुख दलहरुको बैठकमा पेस गरिनेछ । नेपाली सेनाअन्तर्गत गठन हुने महानिर्देशनालय, लडाकुहरूको छनौट प्रक्रिया तथा छनौट समितिमा रहने प्रतिनिधिको विषयमा सेना समायोजन विशेष समितिअन्तर्गतको कार्यदलले सहमति नजिक पुगेको जनाएको छ । कार्यदलको बैठक हिजो पनि बसेको थियो । अस्ति बसेको सेना समायोजन विशेष समितिको बैठकले समितिका सदस्यहरू वर्षमान पुन, डा मीनेन्द्र रिजाल, भीम रावल र जितेन्द्र देव सम्मिलित कार्यदल गठन गरेको थियो । कार्यदलले पारित गरेको योजनालाई राजनीतिक दलका शीर्ष नेताहरूसहित बस्ने विशेष समितिको बैठकले पारित गरी लागू गर्ने कार्ययोजना तय गरिएको छ ।

प्रतिक्रिया
सम्बन्धित खवर

काठमाडौं । नेकपा एमालेका महासचिव ईश्वर पोखरेलले माधवकुमार नेपाल पक्षलाई धेरै प्रतीक्षा गर्न उचित नहुने बताएका छन् । शुक्रबार पार्टी

काठमाडौं । नेकपा एमालेका उपाध्यक्ष एवं सांसद भीम रावलले मिलेनियम च्यालेन्स कर्पोरेसन (एमसीसी) सम्झौता संशोधनपछि मात्र पारित गर्न माग गर्नुभएको

काठमाडौँ । बझाङकी हेवन उपाध्याय ‘खामोशी विथ लाइफ’को अन्तर्राष्ट्रिय विजेता बनेकी छिन् । बहिरा व्यक्तिहरूको सीप, क्षमता र कौशलता प्रदर्शन

लण्डन । बेलायतमा लामो समयदेखि बस्दै आउनुभएकी कवयित्री प्रतिभा केसी यस वर्ष अनेसास सुप्रमा इप्रमा पुरस्कारबाट सम्मानित हुनुभएको छ ।