संघीय लोकतान्त्रिक गणतन्त्र संस्थागत गर्न नयाँ वर्षले नयाँ उर्जा दिने प्रधानमन्त्रीको भनाई

१ बैशाख २०६९, शुक्रबार ०९:०४ मा प्रकाशित

काठमाडौ, १ बैशाख ।  प्रधानमन्त्री डा बाबुराम भट्टराईले ऐतिहासिक जनआन्दोलनको सफलता पश्चात मुलुकमा दिगो शान्ति स्थापना गर्न र नयाँ संविधानमार्फत सङ्घीय लोकतान्त्रिक गणतन्त्रलाई संस्थागत गर्ने अभयिानको क्रममा मनाउन थालिएको नयाँवर्षले थप ऊर्जा प्रदान गर्नेमा विश्वास ब्यक्त गर्दै देशवासी सबै नेपाली नागरिकलाई शुभकामना दिनु भएको छ ।
नेपाली काङ्ग्रेस सभापति सुशील कोइरालाले नव वर्ष २०६९ को सुखद् उपलक्ष्यमा सम्पूर्ण नेपाली दाजुभाइ तथा दिदीबहिनीहरूमा सुख, शान्ति र समृद्धिको शुभकामना व्यक्त गर्नुभएको छ । सभापति कोइरालाद्वारा जारी शुभकामनामा नागरिकले जिउधनको सुरक्षा, प्रेस स्वतन्त्रता, मानवअधिकारको संरक्षण, स्वतन्त्र न्यायपालिकाको अनुभूति, दण्डहीनताको अन्त्य र जबर्जस्ती कब्जा सम्पत्ति फिर्ता र द्वन्द्वपीडित एवम् विस्थापितको पुनःस्थापना जस्ता ज्वलन्त समस्याको समाधान भएको अनुभव गर्न पाउने वातावरण बन्नुपर्नेमा जोड दिनु भएको छ ।
यसै अवसरमा राष्ट्रिय जनशक्ति पार्टीका अध्यक्ष एवम् पूर्व प्रधानमन्त्री सूर्यबहादुर थापाले स्वदेश तथा विदेशमा रहेका सम्पूर्ण नेपाली दिदीबहिनी तथा दाजुभाइमा सुस्वास्थ्य, शान्ति, समृद्धि, एकता र सद्भावका लागि मङ्गलमय शुभकामना व्यक्त गर्नुभएको छ ।

प्रतिक्रिया
सम्बन्धित खवर

काठमाडौँ । बुधवार बसेको सत्तारुढ गठबन्धनको बैठकले अघिल्लो सरकारले गरेका राजनीतिक नियुक्ति खारेज गर्ने निर्णय गरेको छ । प्रधानमन्त्रीको सरकारी

काठमाडौँ । पछिल्लो २४ घण्टामा ३,८४० जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १०,८८६ पीसीआर

काठमाडौं । नेकपा माओवादी केन्द्रबाट एमाले प्रवेश गरेका चार नेताले सांसद पदमा पुनर्बहालीको माग गर्दै सर्वोच्च अदालतमा रिट दायर गरेका

सर्लाही । सर्लाहीको ब्रह्मपुरी गाउँपालिका–३ भेल्हीस्थित निजी पोखरीमा डुबेर मृत्यु भएको अवस्थामा नौ दिनको शिशुसहित तीन जनाको शव फेला परेको