वैद्यलाई भड्काउन प्रचण्ड लागिपरेको कोइरालाको खुलासा

५ भाद्र २०७०, बुधबार २१:३८ मा प्रकाशित

काठमाडौं, ५ भदौ । नेपाली कांग्रेसका सभापति सुशील कोइरालाले मोहन वैद्यलाई छोडेर चुनाव गराउनुको अर्थ नरहने धारणा प्रकट गरेका छन् । वैद्यपक्षलाई निर्वाचनमा जसरी पनि सहभागी गराएर मात्र निर्वाचन गराउन आफू लागिपरेको कोइरालाले बताए । सभापति कोइरालाले चुनाव मंसिर ४ मै हुने र त्यसमा नेकपा माओवादी पनि सहभागी हुने दाबी गरे ।
निर्वाचन सुनिश्चित गराउन भनी रिपोर्टर्स क्लब नेपालले सुरु गरेको अभियानअन्तर्गत एक ज्ञापन पत्र बुझ्दै उनले संविधानसभाको निर्वाचनको मिति सार्नु भनेको मुलुकमा दुर्घटना निम्त्याउनु भएको दाबी गरे । मिति, कार्यतालिकासहित सबै कुरा तय भइसकेपछि मिति सार्न नसकिने कोइरालाले बताए । तर, कसैलाई छाडेर निर्वाचनमा जाने अहंकार कांग्रेसले नलिएको स्पष्ट पार्दै उनले सबैको सहभागितामा मंसिर ४ गते निर्वाचन हुने विश्वास व्यक्त गरे।
प्रचण्डले वैद्यलाइृ चुनावमा नआउन् भनी भड्काउन खोजिरहेको खुलासा पनि सभापति कोइरालाले गरे । आफूले प्रचण्डको यो षडयन्त्र बुझेरै वैद्यसँग पटक पटक भेटघाट र छलफल गरेको उल्लेख गर्दै कोइरालाले बिहिबार बिहान पनि आफू र वैद्यबीच भेटघाट हुन लागेको जानकारी दिए ।
कांग्रेस केन्द्रीय समितिको बैठक आगामी ७ गतेदेखि सुरु हुन लागेको र उक्त बैठकले पार्टीको नीति कार्यक्रम, घोषणा पत्रकासाथै विभिन्न विभाग गठन गर्ने सन्दर्भमा निर्णय लिने जानकारी पनि कोइरालाले दिए । कांग्रेस एक ढिक्का भएर चुनावमा गएमा यसपटक दुई तिहाइ बहुमत हासिल हुने कोइरालाले दाबी गरे ।

प्रतिक्रिया
सम्बन्धित खवर

काठमाडौं । नेपालमा बितेको २४ घण्टामा थप ३ हजार ११४ जनामा कोरोना सङ्क्रमण पुष्टि भएको छ । स्वास्थ्य तथा जनसंख्या

काठमाडौं । राष्ट्रिय प्रजातन्त्र पार्टी (राप्रपा)का अध्यक्ष कमल थापाले कांग्रेस र कम्युनिस्टबीच वैचारिक, चरित्रगत तथा नीतिगत कार्यशैलीमा भिन्नता नरहेको बताएका

काठमाडौं । नेपाली कांग्रेसका तल्ला तहका सबै अधिवेशनहरु स्थगित भएका छन् । आज बसेको पदाधिकारी बैठकले साउन १२ गते हुने

सिद्धार्थनगर । निर्माणाधीन गौतमबुद्ध अन्तर्राष्ट्रिय विमानस्थल परीक्षण उडानको अन्तिम तयारीमा पुगेको छ । विमानस्थलको प्राविधिकतर्फको काम सकिएपछि अब परीक्षण उडानको