समायोजनमा रहेको विवाद मिलाउन कार्यदलको छलफल सुरु

३० चैत्र २०६८, बिहीबार १०:११ मा प्रकाशित

काठमाडौ, ३० चैत । समायोजन रोजेका माओवादी लडाकुहरुलाई नेपाली सेनामा समायोजन गर्नेबारेमा उत्पन्न विवाद मिलाउनेगरी खाका बनाउने जिम्मा पाएको कार्यदलले छलफल थालेको छ ।  माओवादी लडाकु रेखदेख समायोजन तथा पुनस्थापना विशेष समितिको सचिवालयको कार्यालय नयाँवानेश्वरमा जारी बैठकमा नेपाली सेनाको मातहतमा गठन हुने महानिर्देशनालयको संरचना, लडाकुले पाउने तह, छनौट समितिको स्वरुप तथा तालिमको बारेमा छलफल हुने कार्यदलका सदस्य एमाले नेता भीम रावलले जानकारी दिनुभयो । उहाँका अनुसार आज दिनभर छलफल गरेर कार्यदलले तयार पारेको सहमतिको खाका भोलिबस्ने विशेष समितिको बैठकमा पेस गरिनेछ । हिजो बसेको प्रमुख दलहरुको बैठकले लडाकु समायोजनबारे दलहरुबीच जारी विवादमा सहमतिको खाका प्रस्तुत गर्न कार्यदल गठन गरेको थियो । कार्यदलमा एकीकृत माओवादीबाट वर्षमान पुन,नेपाली काङ्ग्रेसबाट डा मिनेन्द्र रिजाल, नेकपा एमालेबाट भीम रावल र मधेसी मोर्चाको तर्फबाट फोरम लोकतान्त्रिकका जीतेन्द्र देव हुनुहुन्छ ।

प्रतिक्रिया
सम्बन्धित खवर

केदार मगर, खोटाङ । साकेला गाउँपालिका–५ मात्तिमविर्तालाई केन्द्रविन्दु बनाएर आइतबार गएको भूकम्पले हालसम्म जिल्लाभर दुई विद्यालय भवन, एक प्रहरी चौकी

म्याग्दी । म्याग्दीका पौढ महिलाहरूले बुढ्यौलीमा माध्यमिक शिक्षा परीक्षा (एसइई) उत्तीर्ण गरेर पढाइलाई उमेरले नछेक्ने भनाइलाई चरितार्थ गर्नुभएको छ ।

नवलपुर । पूर्वपश्चिम राजमार्गअन्तर्गत नवलपरासी (बर्दघाट–सुस्तापूर्व)को दाउन्नेमा यात्रुबाहक बसमा आगलागी हुँदा ३३ यात्रु घाइते भएका छन् । आज बिहान साढे

काठमाडौं । जापानका पूर्वप्रधानमन्त्री सिन्जो आबेमाथि शुक्रबार बिहान नारा सहरमा आक्रमण भएको छ । सभालाई सम्बोधन गर्ने क्रममा उनीमाथि गोली प्रहार