कार्यालय समयमा सभा-समारोहमा भाग लिए कर्मचारीमाथि कारवाही गरिने

२७ श्रावण २०७०, आईतवार ०५:५० मा प्रकाशित

रासस, काठमाडौं, २७ साउन । मुख्यसचिव लीलामणि पौडेलले सरकारी कर्मचारीलाई कार्यालय समयमा कुनै पनि सभा र कार्यक्रममा नबोलाउन पर्यटन व्यवसायीलाई आग्रह गरेका छन्। नेपाल प्राइभेट पर्यटक यातायात व्यवसायी सङ्घको पाचौं साधारणस भामा मुख्य सचिव पौडेलले कार्यालय समयमा कर्मचारीलाई सभा, गोष्ठीलगायतका कार्यक्रममा सहभागी गराउँदा मन्त्रालय र विभागमा जनताको काममा बाधा पुग्नेतर्फ सबै गम्भीर हुनुपर्ने बताए। उनले अबदेखि सरकारी कार्यालयले कार्यालय समयभित्र यस्ता कार्यक्रम गरे आफूले कारबाही गर्ने बताउँदै लामो समयको भड्किला र आडम्बरपूर्ण कार्यक्रम नगर्न व्यवसायीलाई सुझाव दिए। 
व्यवसायीका समस्या र गुनासा पर्यटन र उद्योग महाशाखामार्फत ल्याउन मुख्य सचिवले आग्रह गर्दै मुख्य सचिव पौडेलले ती समस्याको समाधानका लागि आफूले सधैं समन्वय र सहयोगी भूमिका निर्वाह गर्ने बताए।
सो अवसरमा मुख्यसचिव पौडेलले पर्यटन क्षेत्रमा योगदान पुर्याएवापत गन्तव्य नेपाल पब्लिकेसनका अध्यक्ष पत्रकार शिव अधिकारी र ट्राफिक प्रहरीका निरीक्षक सीताराम हाछेथुलाई सम्मान गरेका थिए।
कार्यक्रममा नेपाल ट्राभल एन्ड टुर एजेन्ट्स एसोसियसन का महासचिव अच्युत गुरागाई, टुर्गानका अध्यक्ष हरेराम बराल, ठमेल पर्यटन विकास समितिका अध्यक्ष रामशरण थपलियालगायतका वक्ताले राजधानीमा पर्यटक बस बिसौनी निर्माण गर्नुपर्ने, बीच बाटोमै पर्यटकलाई उर्ताने प्रवृत्ति अन्त्य गर्नुपर्ने, दश वर्षभन्दा पुराना गाडी पर्यटन क्षेत्रबाट हटाउनुपर्ने, पर्यटन पूर्वाधार विकासमा सरकारले जोड दिनुपर्ने धारणा राखेका थिए।

प्रतिक्रिया
सम्बन्धित खवर

काठमाडौँ । नेकपा एमालेका वरिष्ठ नेता एवं पूर्वप्रधानमन्त्री झलनाथ खनालको मिर्गौला प्रत्यारोपण सफल भएको छ । नयाँदिल्लीस्थित एपोलो अस्पतालमा नेता

काठमाडौं । सरकारको न्यूनतम साझा कार्यक्रमलाई टुङ्गो लगाउन आज बुधबार तेस्रोपटक बसेको सत्तारुढ गठबन्धन कार्यदलको बैठकले राष्ट्रिय योजना आयोगको समेत

काठमाडौं । नेकपा एमालेमा विवाद समाधानका लागि निरन्तर छलफल भइरहेको छ । विवाद समाधानका लागि पार्टी अध्यक्ष केपी शर्मा ओली

काठमाडौं । देशभित्र निर्माणाधीन अवस्थामा रहेका जलविद्युत् एवं प्रसारण लाइन आयोजनालाई समयमा पूरा गर्नेतर्फ ध्यान नदिइएको भन्दै सरकारले नेपाल विद्युत्