प्रहरीले बैद्य पक्षको जुलुसमा हस्तक्षेप गर्दा एक दर्जन घाईते, एक दर्जन पक्राउ

२९ चैत्र २०६८, बुधबार २१:१३ मा प्रकाशित

काठमाडौ, २९ चैत । लडाकु र हतियार नेपाली सेनालाई जिम्मा लगाउने सेना समायोजन विशेष समितिको निर्णय विरुद्ध बुधवार साँझ माओवादीको बैद्यपक्षधरले निकालेको मसाल जुलुसमा प्रहरीले हस्तक्षेप गरी एक सभासद सहित करिब १ दर्जन कार्यकर्तालाई प्रहरीले पक्राउ गरेको छ ।
बुधबार बिहान चक्काजाम गरेको सो समूहले साझ मसाल जुलुस निकालेको थियो । राजधानीको भुगोलपार्कबाट महासचिव रामबहादुर थापा बादलको नेतृत्वमा जुलुस निक्लिउको थियो । जुलुसमा सहभागीहरुले प्रधानमन्त्री बाबुराम भट्टराई र पार्टी अध्यक्ष पुष्पकमल दाहालविरुद्ध नाराबाजी गरेका थिए ।
जुलुसमा सहभागीले बोकेको मसाल प्रहरीले खोसेपछि केहीबेर तनाव भएको थियो । प्रहरीले मसाल खोस्ने क्रममा भएको झडपमा तीन प्रहरी र ११ प्रदर्शनकारी घाइते भएका छन् । घाइतेहरुको बीर अस्पतालमा उपचार भइरहेको छ । तीमध्ये दुई प्रदर्शनकारीको अवस्था गम्भीर छ ।
यता पोखरामा विहान गरेको चक्का जामको क्रममा प्रहरीले एक सभासद सहित १४ जनालाई पक्राउ गरेको थियो । बैद्य पक्षधर सभासद  श्रीराम अधिकारी  सहित कार्यकर्ताहरुलाई पक्राउ गरी दुई घण्टा नियन्त्रणमा लिई प्रहरीले छाडेको थियो ।

प्रतिक्रिया
सम्बन्धित खवर

काठमाडौं । भ्रष्टाचार गरेको आरोपमा निलम्बित सहसचिव चुडामणि शर्मा विशेष अदालतमा उपस्थित भएका छन् । कर फर्छ्यौट आयोगका सदस्य सचिव

काठमाडौं ।सत्तारुढ दल नेपाली कांग्रेसको १४औं महाधिवेशन नजिकिँदै गर्दा प्रवक्ता विश्वप्रकाश शर्माले महामन्त्री पदमा प्रतिस्पर्धा गर्ने घोषणा गरेका छन् ।

काठमाडौं ।प्रमुख प्रतिपक्षी दल नेकपा एमालेले प्रतिनिधिसभा बैठकमा दिनदिनै नाराबाजी गरेर निहुँ खोज्न थालेपछि सभामुख अग्निप्रसाद सापकोटाले ‘एक्सन’ थालेका छन्

न्यूयोर्क । परराष्ट्रमन्त्री डा. नारायण खड्काले नेपाली समय अनुसार आज मध्यरातमा राष्ट्रसंघीय महासभामा सम्बोधन गर्ने भएका छन् । परराष्ट्र मन्त्रालयका

आजको प्रमुख समाचार