शिक्षा विभागद्वारा विभिन्न शीर्षकमा छात्रवृत्ति वितरण

२९ चैत्र २०६८, बुधबार १८:०८ मा प्रकाशित

काठमाडौ, २९ चैत । शिक्षा विभागले आर्थिक २०६८÷०६९ का लागि मुलुकभरका विद्यालयमा अध्ययनरत विभिन्न समूहका विद्यार्थीलाई विभिन्न शीर्षकमा छात्रवृत्ति प्रदान गरेको छ । विभागले कक्षा एकदेखि आठसम्म अध्ययन गर्ने १३ लाख ६ हजार ८८ जना दलित विद्यार्थीलाई छात्रवृत्ति वितरण गरेको हो । विभागको लैङ्गिक समविकास शाखाका उपनिर्देशक दिव्या दवाडीले दलित छात्रवृत्तिअन्तर्गत माध्यमिक तहमा कक्षा ९ र १० मा अध्यनरत ८१ हजार ४४२ जना विद्यार्थीका लागि विद्यालयले कुनै पनि शुल्क नलिने गरी प्रतिविद्यार्थी वार्षिक ५०० रुपैयाँका दरले वितरण गरेको बताउनुभयो । त्यसैगरी छात्रा छात्रवृत्तिअन्तर्गत कक्षा एकदेखि आठसम्म अध्ययनरत ७० जिल्लाका विपन्न पिछडिएका ५० प्रतिशत छात्रा र कर्णाली अञ्चलको हकमा आधारभूत तहदेखि माध्यमिक तहसम्म अध्ययनरत सबै छात्रा गरी २३ लाख ३० हजार ६८० जना छात्रालाई यस वर्षको छात्रा छात्रवृत्ति वितरण गरिएको छ । विभागले माध्यमिक शिक्षा छात्रवृत्ति शीर्षकमा दलित, अपाङ्ग, पिछडिएका ६० हजार छात्रछात्रालाई छात्रवृत्ति वितरण गरेको छ । त्यसैगरी विभागले विज्ञान विषयको सामुदायिक उच्च माध्यमिक तह सञ्चालन नभएका कारण अर्को जिल्लामा गएर विज्ञान विषय पढ्ने विद्यार्थीलाई पनि छात्रवृत्ति प्रदान गरेको छ ।

प्रतिक्रिया
सम्बन्धित खवर

दक्षिणी धादिङको ताल्तीस्थित हुरेमा सोमबार एक पुरुषले श्रीमतीको हत्या गरेर आफूले समेत आत्महत्या गरेका छन् । बेनिघाटरोराङ गाउँपालिका–२ ताल्तीस्थित हुरेका

पाल्पा । सिद्धार्थ राजमार्ग अन्तरगत सिद्धबाबा नजिकै गुडिरहेको जिपमा खसेको ढुङ्गाले च्यापेर एक जनाको मृत्यु भएको छ । मृत्यु हुनेमा

मेलम्ची खोलामा आएको निरन्तरको बाढीले सोमबार राति मेलम्ची–११ का सात घर बगाएको छ । गत असार १ गतेको बाढीले कटान

जनकपुरधाम । महोत्तरीको लोहरपट्टी नगरपालिका ७ भ्रमरपुराकी २६ वर्षीया सुजिता ठाकुर हत्या मुद्दामा उनका बुबासहित थप तीनजनालाई प्रहरीले पक्राउ गरेको