सभामुखद्धारा जेठ १४ सम्म राजधानी बाहिर नजाने घोषणा

२९ चैत्र २०६८, बुधबार १७:२८ मा प्रकाशित

काठमाडौ, २९ चैत । संविधानसभाका अध्यक्ष सुवासचन्द्र नेम्वाङले संविधान जारीगर्ने म्याद घटदै गएको भन्दै जेठ १४ सम्म राजधानी बाहिर जाने कार्यक्रम स्थगित गर्नु भएको छ । यसक्रममा उहाँले संखुवासभामा किराँत समूदायका पहिलो राजा यलम्बरको अहिले सम्मकै अग्लो प्रतिमा उदघाटन गर्न जाने कार्यक्रम स्थगित गर्नुभएको हो । अन्य नेतालाइ राजधानी नछाड्न आग्रह गरेर आफै राजधानी बाहिरका कार्यक्रममा व्यस्त भएको आरोप लागेपछि नेम्वाङले राजधानी बाहिर नजाने घोषणा गर्नुभएको हो ।
यसैवीच सभामुख नेम्वाङले सम्पूर्ण ध्यान संविधान निर्माणमा केन्द्रीतगर्न राजनीतिक दलहरुसंग आग्रह गर्नुभएको छ । यसअघि विबादमा रहेको लडाकू र हतियार व्यवस्थापनको काम समेत टुंगिएकोले अब संविधान निर्माणमा केन्द्रीत हुन उहाँले आग्रह गर्नुभयो । तोकिएको समयमै महिला मैत्री संविधान बनाउन दवाव दिने उदेश्यले गएको महिला सभासद समूह ककसको प्रतिनिधि मण्डलसंगको भेटमा सभाध्यक्ष नेम्वाङले संविधान निर्माणका लागि आधार तयार भएकोले अबको सम्पूर्ण ध्यान त्यसमा केन्द्रीत गर्नुपर्ने बताउनु भएको हो । संविधान जारी गर्नकाल लागि डेढ महिनाको समय बाकी रहेको स्मरणगर्दै उहाँले अव संवैधानिक समिति र विवाद समाधान उपसमितिका बैठक नियमित बस्नुपर्ने बताउनुभयो ।

प्रतिक्रिया
सम्बन्धित खवर

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र जनता समाजवादी पार्टीका संघीय परिषद अध्यक्ष डा. बाबुराम भट्टराईबीच भेटवार्ता

बागलुङ । वर्षाका बेला बागलुङवासीले धारोमा पानी आउछ कि आउँदैन भनेर आकाशतर्फ फर्केर निक्यौल गर्ने गर्छन् । वर्षातको समयमा बागलुङमा

काठमाडौँ । सरकार केही दिनमै नागरिकतासम्बन्धी विधेयक संसद्मा पेस गर्ने तयारीमा रहेका बेला प्रमुख प्रतिपक्षी एमालेले त्यसलाई अस्वीकार गर्ने जनाएको

काठमाडौँ । नेपाली कांग्रेसका नेता शेखर कोइराला पक्षको बैठक आज (शुक्रबार) पनि बस्ने भएको छ । बिहीबार राजधानीको बत्तीसपुतली फुडल्याण्डमा