लडाकु र हतियार सेनाको जिम्मा दिने निर्णयको विरोधमा वैद्य पक्षले चक्का जाम र मसाल जुलुस गर्दै

२९ चैत्र २०६८, बुधबार ०८:४८ मा प्रकाशित

काठमाडौ, २९ चैत । एकीकृत नेकपा माओवादीको मोहन वैद्य पक्षले शिविरमा रहेका लडाकु र हतियार नेपाली सेनालाई  जिम्मा लगाउने निर्णय विरोधमा देशव्यापी रूपमा एक घन्टा चक्का जाम गर्ने भएको छ । वैद्य पक्षले बिहान १० देखि ११ बजेसम्म हुने चक्काजाम आह्वान गर्ने भएको छ । यसैगरी सरकारले गरेको निर्णयप्रति असहमति जनाउँदै आजै साँझ मसाल जुलुस गर्ने कार्यक्रम पनि वैद्य पक्षले जनाएको छ । प्रधानमन्त्री डा. बाबुराम भट्टराई र अध्यक्ष पुष्पकमल दाहाल प्रचण्डको पुतला जलाउने कार्यक्रमसमेत तय गरेको छ । लडाकु र हतियार सेनाको जिम्मामा लगाउने निर्णयलाई वैद्य पक्षले आत्मसमर्पण र नेपाली क्रान्तिप्रति विश्वासघात भएको टिप्पणी गरेको छ । हिजै वरिष्ठ उपाध्यक्ष वैद्य र महासचिव रामबहादुर थापाले संयुक्त रूपमा विज्ञप्ति जारी गरी देशभक्त, गणतन्त्रवादी, स्वाभिमानी, अग्रगामी परिवर्तन चाहने सम्पूर्ण जनतालाई आत्मसमर्पणवादी निर्णयको विरोधमा उत्रन आह्वान गर्नुभएको छ । वैद्य पक्षले आन्दोलनका थप कार्यक्रम क्रमशः तयारी गर्दै लगिने पनि जनाएको छ ।

प्रतिक्रिया
सम्बन्धित खवर

केदार मगर, खोटाङ । साकेला गाउँपालिका–५ मात्तिमविर्तालाई केन्द्रविन्दु बनाएर आइतबार गएको भूकम्पले हालसम्म जिल्लाभर दुई विद्यालय भवन, एक प्रहरी चौकी

म्याग्दी । म्याग्दीका पौढ महिलाहरूले बुढ्यौलीमा माध्यमिक शिक्षा परीक्षा (एसइई) उत्तीर्ण गरेर पढाइलाई उमेरले नछेक्ने भनाइलाई चरितार्थ गर्नुभएको छ ।

नवलपुर । पूर्वपश्चिम राजमार्गअन्तर्गत नवलपरासी (बर्दघाट–सुस्तापूर्व)को दाउन्नेमा यात्रुबाहक बसमा आगलागी हुँदा ३३ यात्रु घाइते भएका छन् । आज बिहान साढे

काठमाडौं । जापानका पूर्वप्रधानमन्त्री सिन्जो आबेमाथि शुक्रबार बिहान नारा सहरमा आक्रमण भएको छ । सभालाई सम्बोधन गर्ने क्रममा उनीमाथि गोली प्रहार