स्थानिय निकायमा अनिश्चितकालीन तालावन्दी

५ श्रावण २०७०, शनिबार ०८:०६ मा प्रकाशित

चन्द्रकान्त खनाल, रुपन्देही, ५ साउन । लक्षित वर्ग संयुक्त संघर्ष समिति, रुपन्देहीले जिल्ला विकास समितिसहित बुटवल नगरपालिका, सिद्धार्थनगर नगरपालिका र ६९ गाविसमा अनिश्चितकालिन तालावन्दी गरेको छ । बुटवल नगरपालिकामा जिल्ला महिला समन्वय समितिकी उपाध्यक्ष बिमला पन्थीको नेतृत्वमा हरि बम्रेल, माया बराल लगायतको टोलीले तालावन्दी गरेका थिए भने जिविसमा संघर्ष समितिका संयोजक धनबहादुर गुरुङको नेतृत्वमा दलित वर्ग उत्थान समन्वय समितिका उपाध्यक्ष पदम विश्वकर्मा लगायतको टोलीले ताला लगाएको हो । जिल्लाका गाविसमा भने जिल्ला स्तरका समितिका नेताहरु र क्षेत्रीय संयोजकहरुको नेतृत्वमा ताला लगाइएको संयोजक गुरुङले बताए । जिल्ला विकास समिति, रुपन्देही र बुटवल नगरपालिकामा लगाइएको तालाचाहिा प्रहरीको सहयोगमा खोलिएको छ । 
सरकारले आदिवासी जनजाति लगायत सबै लक्षित समुहको समन्वय समिति गठन निर्देशिका र समिति खारेज गरेको विरोधमा स्थानिय निकायमा तालावन्दी गरिएको समितिले जनाएको छ । समितिले संघर्षका कार्यक्रम अन्तरगत साउन ७ गते रुपन्देही जिल्ला बन्द गर्ने कार्यक्रम राखिएको उपाध्यक्ष गुरुङले बताए । खिलराज रेग्मी सरकारले मन्त्रिस्तरको निर्णयबाट गएको जेठ २९ गते सबै लक्षित वर्ग समन्वय समिति गठन निर्देशिका खारेज गर्नुलाई ०६२/६३ को जनआन्दोलनको म्यान्डेटविपरित भएका भन्दैं समितिले आन्दोलन गर्दै आएको छ ।

प्रतिक्रिया
सम्बन्धित खवर

काठमाडौँ । बाराको जितपुर-सिमरा उपमहानगरपालिकाको प्रमुखमा नेकपा माओवादी केन्द्र विजयी भएको छ । सार्वजनिक अन्तिम मतपरिणामअनुसार गठबन्धनको तर्फबाट माओवादी केन्द्रका

काठमाडौं । वैशाख ३० गते भएको स्थानीय तह चुनावको आज (बिहीबार) बिहान ६ बजेसम्म ५३४ पालिकाहरुको चुनावी परिणाम आइसकेको छ

काठमाडौं । काठमाडौं महानगरपालिकामा स्वतन्त्र उम्मेदवार बालेन साहले २० हजार मत कटाएका छन् । महानगरको पछिल्लो मत परिणामअनुसार ५४ हजार

खोटाङ । खोटाङको खोटेहाङ गाउँपालिका–६ इन्द्रेणीपोखरीमा एक उम्मेदवारको मतबाट अर्कै उम्मेदवार विजयी भएका छन् । एमालेबाट खुला सदस्यमा उठेका ज्ञानबहादुर