काग्रेस र एमालेले अडान नछाडेपछि तीन दलको बैठक निष्कर्स विहीन

२८ चैत्र २०६८, मंगलवार १४:५९ मा प्रकाशित

काठमाडौ, २८ चैत ।  नेपाली काग्रेस र नेकपा एमालेले शान्ति प्रक्रिया सम्बन्धी आफ्नो अडानलाई कायमै राखेपछि शान्ति प्रक्रिया र संविधान निर्माणको क्रममा देखिएका विवाद समाधान गर्न बसेको मधेसी मोर्चा सहितको प्रमुख तीन दलको बैठक विना निष्कर्स टुङगिएको छ ।
सिहदरवार स्थित शान्ति तथा पुनःनिर्माण मन्त्रालयमा बसेको दलहरुको बैठकमा नेपाली काग्रेस र नेकपा एमालले पहिला झै शान्ति प्रक्रिया अगाडि बढेपछि मात्रै संविधान निर्माणको विषयमा छलफल गर्न सकिने भन्दै अडान कायम राखेपछि बैठक सहमतिमा पुग्न नसकेको हो ।
माओवादीले शान्ति प्रक्रिया अगाडि बढीसकेकोले संविधान निर्माणको  विषयमा छलफल सुरु गर्न प्रस्ताव गरेको थियो । जसलाई काग्रेस र एमालेले अस्विकार गर्दै पहिला शान्ति प्रक्रिया अगाडि बढाउनु पर्ने अडान राखेका थिए ।
बैठकमा कुनै सहमति नभए पनि आजै अपरान्ह बस्ने सेना समायोजन विशेष समितिको बैठकको निर्णय हेरेर पुन बैठक बस्नेमा भने दलहरु सहमत भएको बताईएको छ ।
त्यसअघि आजै माओवादी अध्यक्ष पुष्पकमल दाहाल र प्रधानमन्त्री बाबुराम भट्टराईबीच छलफल भएको थियो । अध्यक्ष दाहालको निवास लाजिम्पाटमा भएको सो भेटमा सेना समायोजन तथा संविधान लेखनका विषयमा पार्टीले राख्नुपर्ने अडानका विषयमा छलफल भएको थियो ।
भेटमा चैत समान्तसम्म सेना समायोजनको काम सक्ने भन्ने राजनीतिक दलहरुका बीचमा सहमति भए पनि दर्जा, तालिम अवधि, व्रिज तथा छनोट समितिमा रहने प्रतिनिधिहरुका विषयमा असहमति कायमै रहेको सन्दर्भमा त्यसलाई कसरी हल गर्ने भन्ने विषयमा छलफल भएको थियो ।

प्रतिक्रिया
सम्बन्धित खवर

काठमाडौं । दार्चुलाको महाकाली नदीमा व्यास गाउँपालिका–२ का जयसिंह धामी बेपत्ता भएको घटनालाई लिएर युवा संघले काठमाडौंस्थित भारतीय राजदूतावासको कार्यालय

काठमाडौं । सरकारले कोभिड युनिफाइड केन्द्रीय अस्पताल(वीर)को प्रमुख प्रशासकीय अधिकारी प्रा.डा. जागेश्वर गौतमलाई हटाएको छ। स्वास्थ्य मन्त्रालयले सोमबार राज्यमन्त्रीस्तरीय निर्णय

काठमाडौं । मन्त्रिपरिषद् विस्तार र सरकारका न्युनतम साझा कार्यक्रम तय गर्न आज सत्ता गठबन्धनका शीर्ष नेताबीच छलफल हुँदैछ । नेकपा

कैलालीकी रुपकला विक बैंकमा कार्यरत कर्मचारी हुनुहुन्छ । उहाँको चार महिनाको बच्चा छ । सुत्केरी भएको दुई महिना बिदा सकेर