“मेरो भगवानलाई एउटा प्रश्न” ::पुरुषोत्तम ढकाल

३० असार २०७०, आईतवार २३:४० मा प्रकाशित

मेरो आत्माले परमात्मा भेटेको दिन
मान्छे भेटिनु वा भेट्टाउनु पूर्ण नहुन सक्छ
हाम्रो मिलन बिजय उत्सव नहुन सक्छ
म भित्रको मेरो म
उन्मुक्त नहुन सक्छ
स्वछन्द नहुन सक्छ
तर निसब्द निराकार शुन्यताको त्यो पल
हो त्यही पल
म भित्रको भगवान मुक्त र मोक्ष दुवै हुन सक्छ ।

नभेटिएको पनि हुन सक्छ
भेट्नै पर्ने पनि नहुन सक्छ
टुट्नु र छुट्नु मायाँ हो भने
जुट्नु र जोडिनु मायाँ हो भने
नासोधिएको, नभेटिएको, नखोजिएको र नदेखिएको एउटा आकृति
जहाँ निराकार निष्पट्ट मात्र हुन्छ
तर पूर्ण जीवन जिउन सक्छ मान्छे
र ज्ञात गर्छ मान्छे
टुट्नु र छुट्नु भन्दा परपो रहेछ मायाँ
जुट्नु र जोडिनु भन्दा नजिकै रहेछ मायाँ ।

भेट्नै पर्ने यो कस्तो चलन
जोडिने पर्ने यो कस्तो मोह
एउटा आकाशको अनगिन्ति प्राणी
एउटा छतभित्र सिमित मायाँको इहलिला
ठोक्किदै रमाउने मान्छेको हासों र खुसि
होइन है यो मायाँ, मात्र हो जिबन लिला ।

नदेखेको पनि हुन सक्छ
नजिकै तर नपुगेको त्यो ठाउं
मायाँ मिलन हो भने पनि नमिलेको हुन सक्छ
त्यो मिलन जहाँ
अदृश्य नहोस दृश्य बिनाको
शरीर नहोस आत्मा बिनाको
आत्मा नरहोस् परात्मा बिनाको
एउटा ठाउं, परमात्मा भेट्ने मेरो भगवानको गाउँ ।

वक्दै गरेको वाचनको भरमा
कोरिएको सिमा रेखालाई
डोरिएको यात्रीले
पहिल्याउन धौ पर्ला
बग्दै गरेको नदि र झर्दै गरेको झरना
पौडदै तर्ने हामी अभिलाषी
पारी पुग्न बल पर्ला
तर बगेर नदीमा सागर चुम्न
मेरो भगवानलाई न ग्राहो पर्ला न सार्हो पर्ला ।

भूगोलको वल्लो छेउमा
पल्लो छेउले हल्लाउछ
यताको आकार उता निराकार सल्बलाउछ
जिते भन्ने श्रेष्ठ मान्छेको बगर भरी लाश
तर कल कल झरना निरन्तर कल-कलाउछ ।

जन्माई भन्छे आमा
हुर्काइ भन्छ बाबु
मायाँ सिकाई भन्ने प्रियतमा
तर म एक्लो-एक्लो, रित्तो-रित्तो
जब मेरो आत्माले परमात्मा भेट्यो
मेरो भगवानले भन्छ
म एउटा फगत प्राणि, तुच्छ मान्छे
बन्न सकिन पूर्ण प्राणि
हुन सकिन जीवित, रहे जगतको ऋणी ।

यता दर्क्यो झरी
उता प्रचण्ड घाम
हिउँ खस्दा बेशी रमाउने
गाउँ बगेरै सकियो
म कल्पिएरै सकिए
सग्लो शरीर छ बाँकि
कस्तो बनायौ भगवान मलाई
मन मुटु जलेरै सकिए ।

सकिए म, ठानेर जल्नु मायाँ
जल्यो आत्मा नभेटेर परमात्मा
बोल्न सक्तिन निस्फिक्री
बग्न सक्तिन सहर्ष
बन्यो जीवन घाम छायाँ
मानेर मन्दिर धाएँ
ठानेर देव तुल्य साह्रा सुख पाएँ
देह यस्तै रहेछ सुख संगै दुख
योत फगत मिर्ग तृष्णा रहेछ
मेरो भगवानलाई एउटा प्रश्न
एउटा वृक्षको छहारी आत्मात पाएँ
मेरो परमात्मा वृक्षहरुको बाटिका
म भित्रको मेरो भगवानलाई मैले किन ढिलो पाएँ । ।

मनको कुरा : म भित्रको मेरो भगवानलाई मेरो एउटा प्रश्न मेरो भगवानलाई मैले किन ढिलो पाएँ ।

पुरुषोत्तम ढकाल
संयुक्तराज्य अमेरिका

प्रतिक्रिया
सम्बन्धित खवर

ताप्लेजुङ । माङ्गेना अनलाइन टिभीको प्रस्तुति रहेको ‘पालाम’को शनिवार ताप्लेजुङ सदरमुकाम फुङ्लिङमा विमोचन गरिएको छ । माघे संक्रान्ति अर्थात् कक्फेक्वा

काठमाडौँ । २०७७ सालको मदन पुरस्कार भगिराज इङनामको लिम्बुवानको ऐतिहासिक दस्तावेज सङ्ग्रह (सम्वत् १७१९-२०२०) ले पाएको छ ।मदन पुरस्कार गुठीले

नुवाकोट स्थायी घर भई काठमाडौँमा रहेर साहित्य सिर्जनामा सक्रिय सर्जकको संस्था त्रिशूली वाङ्मय प्रतिष्ठानको बाह्रौँ साधारणसभाले आगामी दुई वर्षका लागि

काठमाडौं । मदन पुरस्कार २०७७ को प्रारम्भिक सूचीमा ९ वटा पुस्तक परेका छन् । मदन पुरस्कार गुठीले शुक्रबार ९ वटा