तिमीहरूलाई अहिले :: विष्णु विभु घिमिरे

३० असार २०७०, आईतवार २३:३१ मा प्रकाशित

सल्काउन त तिमीले
सजिलै सल्कायौ
अव त्यो आगो भयानक डँढेलो बनेर
बन पाखा ढाक्दै
तिमीसम्म आइपुग्यो
निभाउन कति गाह्रो भो ?
यतिबेला आफैँले सल्काएको आगोले
जव तिमीलाई चिनेन
तिमीलाई अहिले बाँच्न कति गाह्रो भो ?
उमार्न त तिमीले
सजिलै उमार्यौ
जव त्यो पानी अहिले जवान भएर
भयङ्कर खहरेमा परिणत भयो
आफैँले उमारेको सानो पानी
सर्बत्र अतिक्रमण गर्दै
अहिले भयङ्कर खहरे भएर
जव तिमीसम्म आइपुग्यो
खहरे बाँध्न कति गाह्रो भो ?
यसबेला आफैँले उमारेको पानीले
जव तिमीलाई चिनेन
तिमीलाई अहिले ज्यान जोगाउन कति अप्ठ्यारो भो ?
सोझासाझा मानिसका मनमा
निरक्षर ती पवित्र आत्माहरूमा
भर्न ततिमीले खुब हावा भर्यौ
आफ्नो स्वार्थको आक्रोशमा
क्रान्तिको खुब तरङ्ग छर्यौ
जव त्यो आफैँले फुकेको हावा
यसवेला आँधी भएर
दुनियाँका घर तहरा उडाउँदै
तिमीसम्म सुसाउन आइपुग्यो
अहिले तिमीलाई सास फेर्न कति अतास भो ?
आफ्नै हावाले जव तिमीलाई चिनेन
तिमीलाई अहिले बाँच्न कति हतास भो ?

प्रतिक्रिया
सम्बन्धित खवर

ताप्लेजुङ । माङ्गेना अनलाइन टिभीको प्रस्तुति रहेको ‘पालाम’को शनिवार ताप्लेजुङ सदरमुकाम फुङ्लिङमा विमोचन गरिएको छ । माघे संक्रान्ति अर्थात् कक्फेक्वा

काठमाडौँ । २०७७ सालको मदन पुरस्कार भगिराज इङनामको लिम्बुवानको ऐतिहासिक दस्तावेज सङ्ग्रह (सम्वत् १७१९-२०२०) ले पाएको छ ।मदन पुरस्कार गुठीले

नुवाकोट स्थायी घर भई काठमाडौँमा रहेर साहित्य सिर्जनामा सक्रिय सर्जकको संस्था त्रिशूली वाङ्मय प्रतिष्ठानको बाह्रौँ साधारणसभाले आगामी दुई वर्षका लागि

काठमाडौं । मदन पुरस्कार २०७७ को प्रारम्भिक सूचीमा ९ वटा पुस्तक परेका छन् । मदन पुरस्कार गुठीले शुक्रबार ९ वटा