शान्ति र संविधानका विवादित विषयमा सहमति जुटाउन तीन दलको बैठक बस्दै

२८ चैत्र २०६८, मंगलवार ०९:१२ मा प्रकाशित

काठमाडौ, २८ चैत । शान्ति प्रक्रिया र संविधान निर्माणमा जारी विवाद अन्त्य गर्ने बारेमा छलफल गर्न प्रमुख तीन दलका शीर्ष नेताहरुको बैठक दिउँसो बस्ने भएको छ । पर्सीसम्ममा समायोजन रोजेका माओवादी लडाकुहरुलाई नेपाली सेनाको जिम्मा लगाउने पूर्व सहमति कार्यान्वयन गर्ने र संविधान निर्माणको क्रममा देखिएको विवाद मिलाउनेबारेमा बैठकमा छलफल हुने प्रधानमन्त्रीका राजनीतिक सल्लाहकार देवेन्द्र पौडेलले जानकारी दिनुभयो । प्रधानमन्त्री डा. बाबुराम भट्टराईले काभ्रेको धुलिखेलमा प्रमुख दलको बैठक बसाउने तयारी गरेको भए पनि नेताहरुको व्यस्तताको कारण बैठक सिंहदरवारमा बस्ने भएको छ । दिउँसो १ बजे शान्ति मन्त्रालयमा बैठक सुरु हुनेछ । नेपाली काङ्ग्रेस र नेकपा एमालेले कात्तिक १५ मा भएको सातबुँदे सहमतिअनुसार नै समायोजनको काम सक्नुपर्ने अडान लिएका छन्, भने माओवादीले केही विषयमा शीर्ष तहमा राजनीतिक सहमति गर्नुपर्नेमा जोड दिदै आएकोछ । गएको बुधवार बसेको माओवादी लडाकु रेखदेख, समायोजन तथा विशेष समितिको बैठकमा पर्सीसम्ममा समायोजन हुने लडाकु, हतियार र शिविर नेपाली सेनाको जिम्मा लगाउने निर्णय गरेको भए पनि लडाकुले पाउने दर्जा, ब्रिजिङ कोर्स, तालिमको समयावधि, छटौट समितिलगायतको विषयमा दलहरुबीच कुरा मिलेको छैन ।

प्रतिक्रिया
सम्बन्धित खवर

गएराति आएको हुरीबतासले धनमालको क्षति भएको छ । प्रारम्भिक सूचनानुसार जिल्लामा ५० घरको छाना उडाएको जानकारी रेडक्रसले जनाएको छ ।

काठमाडौँ । नेपालमा पछिल्लो २४ घण्टामा थप ९०० जनामा कोरोना भाइरस संक्रमण पुष्टि भएको छ । फेला परेकोमा काठमाडौँ उपत्यकामा

खोटाङ । जन्तेढुङ्गा गाउँपालिका–५ चिसापानीका ३७ वर्षीय विज्ञान कोइरालालाई बेपत्ता भएको १९ वर्षपछि घर फर्काइएको छ । नेपालगञ्जमा भेटिनुभएका विज्ञानलाई

काठमाडौँ । कर्णाली प्रदेश सरकारमा मुख्यमन्त्री महेन्द्रबहादुर शाहीको पक्षमा मतदान गर्ने नेकपा एमाले (नेपाल-खनाल पक्ष) का चार जना सांसदहरूलाई कारबाही