लडाकुको बिदाई तथा समायोजन प्रक्रियाको काम आजदेखि सुरु हुँदै

२८ चैत्र २०६८, मंगलवार ०९:११ मा प्रकाशित

काठमाडौ, २८ चैत । विशेष समिति मातहतको सचिवालयले माओवादी लडाकुको बिदाई तथा समायोजन प्रक्रियाको काम आजदेखि सुरु गर्दैछ । पार्टी नृतृत्वसँग छलफलको लागिभन्दै ७ मुख्य शिविरका माओवादी लडाकु कमान्डरहरु राजधानी आएपछि शिविरमा पुगेको सचिवालयको टोलीले दोस्रो चरणको वर्गीकरणको काम र समायोजनमा जाने लडाकुहरुको नामावली सङ्कलन गर्न सकेको थिएन । हिजो काठमाडौंमा भएको लडाकु कमान्डरहरुको भेलाले अवकाशमा जान चाहने लडाकुहरुको बिदाइ प्रक्रिया सुरु गर्ने निर्णय गरेपछि सचिवालयको टोलीले आजबाट काम सुरु गर्न लागेको हो । सचिवालय सदस्य दीपकप्रकाश भट्टले दोस्रोचरणको वर्गीकरणको काम र अवकाश रोज्नेहरुले पाउने आधार रकम बाँड्ने काम आजबाट सुरु हुने बताउनुभयो । अवकाश रोज्ने लडाकुहरुले बाटो खर्च बापतको रकम लिएर घर फर्कनेछन् । सदस्य भट्टका अनुसार समायोजनमा जाने लडाकुहरुलाई छुट्टाएर पर्सीसम्ममा उनीहरुलाई नेपाली सेनाको जिम्मा लगाइनेछ । राजधानीमा भेला भएका लडाकु कमान्डरहरु आज बिहान सम्बन्धित शिविरमा पुग्नेछन् । माओवादीका साढे ६ हजार लडाकुलाई नेपाली सेनाको मातहतमा गठनहुने महानिर्देशनालयमा समायोजन गर्ने दलहरुबीच भएको सातबुँदे सहमतिमा उल्लेख छ । तर यसअघि भएको पुनवर्गीकरणमा ९ हजार ७ सय ५ लडाकुले समायोजन रोजेका थिए ।

प्रतिक्रिया
सम्बन्धित खवर

काठमाडौँ । जनता समाजवादी पार्टी(जसपा)का अध्यक्ष महन्थ ठाकुरले केन्द्रीय कार्यकारिणी समितिको बैठकबारे थाहा नभएको बताएका छन् । ठाकुर-महतो पक्षले वरिष्ठ

काठमाडौं । राष्ट्रिय प्रजातन्त्र पार्टी (राप्रपा)ले पार्टीको केन्द्रीय महाधिवेशन स्थगन गरेको छ । यही जेठ २२ देखि २५ गतेसम्म काठमाडौंँमा

काठमाडौँ । पछिल्लो २४ घण्टामा देशभर थप ८१६७ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका

काठमाडौं । सरकारले विभिन्न ११ वटा मुलुकमा राजदूत नियुक्तिका लागि ११ जनाको नाम सिफारिस गरेको छ । मन्त्रिपरिषदको यसअघिकै बैठकले