शान्ति सुरक्षा नै हिन्दू धर्मसंस्कृतिको संरक्षण – सुशिल नाहाटा

२७ चैत्र २०६८, सोमबार १८:५१ मा प्रकाशित

काठमाडौं, २७ चैत्र । पशुपति क्षेत्र विकास कोषका सदस्य सचिव सुशिल नाहाटाले हिन्दूधर्म कला संस्कृतिको संरक्षण र विकासका लागि सरकारले सुरक्षा र फोहोर व्यवस्थापनमा सहयोग गर्नुपर्ने बताएका छन् ।

नाहाटाले भने– अहिले हिन्दूधर्म संस्कृतिमाथि चारैतिरबाट आक्रमण भएको छ, हिन्दूधर्मका मठ मन्दिर, पार्टी पौवा र पर्वतहरुमा अतिक्रमण भएका छन्, हुँदै छन्, तत्काल सरकारले हिन्दूधर्मका ऐतिहासिक तीर्थस्थलहरुमा शान्ति सुरक्षा दिनपर्छ ।
सोमबार रिपोर्टर्स क्लवमा पत्रकार सम्मेलन गर्दै पशुपति विकास कोषले हालै पशुपतिनाथका मूल भट्ट, भट्ट, भण्डारीको मासिक तलब र भेटीघाटीकोे दैनिक हिसाव गरेर सर्वसाधारणमा सार्वजनिक गर्ने, सुनचाँदी लकरमा राख्ने, चाँदी, तामा, पित्तल र स्टीलका गरगहनाहरु बम्बै ढुकुटीमा राख्ने र श्री ढुकुटी वर्षमा एक पटक खोलेर सार्वजनिक गर्ने जस्ता महत्वपूर्ण निर्णय गरिएको जानकारी दिँदै सदस्य सचिव नाहाटाले भने– हाम्रो यो ऐतिहासिक कार्यमा सरकारले फोहोर व्यवस्थापन र सुरक्षा दिनसके हिन्दुधर्म संस्कृतिको संरक्षण, संम्बर्धन गर्न सकिने बताए ।
विकास कोषका कोषाध्यक्ष नरोत्तम बैद्यले भने– क्रिश्चियनहरुको आस्थाको केन्द्रविन्दू जेरुसेलम, मुस्लिम धर्मको मक्का, मदिना भए जस्तै हिन्दू धर्मको आस्थाको केन्द्रविन्दू पशुपतिनाथलाई बनाउने मुल लक्ष र उद्देश्य रहेको छ ।
बैद्यले जहाँ पैसा हुन्छ, त्यहाँ द्रव्य पिसाच जन्मनसक्छ, द्रव्य पिसाच भित्रन नदिनको लागि पत्रकारहरुलाई निरन्तर अनुगमन गर्न आग्रह गरे ।
पशुपति क्षेत्र विकास कोषले हिजो २६ गते मूल भट्टलाई सेवा सुविधा तलब गरी मासिक २ लाख ५० हजार, भट्टहरुलाई २ लाख २५ हजार र भण्डारीहरु ३ जनालाई ३ लाख दिने र भक्तहरुले श्रद्धाले चढाएको भेटीलाई पारदर्शी व्यवस्थापन गरिने निर्णय गरेको थियो ।

प्रतिक्रिया
सम्बन्धित खवर

काठमाडौँ ।सरकारले पेट्रोलको २० र डिजेलको २९ रुपैयाँ मूल्य घटाउने घोषणा गरेको छ । शनिबार अयोजित आकस्मिक पत्रकार सम्मेलनमा उद्योग

गत जेठ २३ गते बर्दियाको मधुवन नगरपालिका–२ छोट्की सोनाहा गाउँकी ४१ वर्षीया अस्मिता थारुलाई चितुवाले आक्रमण गरी घाइते बनाएपछि आक्रोशित

काठमाडौँ। प्रहरीले पछिल्लो समयमा सामाजिक सञ्जाल तथा विभिन्न माध्यम प्रयोग गरी प्रलोभन दिएर ठगी गर्ने कार्य बढिरहेको भन्दै त्यसतर्फ सचेत

बाँके । नेपालगञ्ज-१० स्थित बाँके जिल्ला कारागारमा क्षमताभन्दा बढी कैदीबन्दी रहेका छन् । क्षमताभन्दा बढी राखिएपछ उनीहरुको सुरक्षा चिन्ता र